اسلام آباد: پاکستان نے کورونا ویکسین فنڈنگ سے متعلق ورلڈ بینک کی قرض کی پیشکش قبول کرنے سے معذرت کرلی۔
اے آر وائی نیوز کی رپورٹ کے مطابق عالمی بینک نے پاکستان کے لیے قرض کی فراہمی پر رضامندی ظاہر کردی، ورلڈ بینک نے پاکستان کو ویکسین فنڈنگ کے لیے نئے قرض کی پیشکش کی جسے پاکستان نے قبول کرنے سے معذرت کرلی۔
ذرائع کا کہنا ہے کہ پاکستان نے ورلڈ بینک سے ماضی کے قرض کے ازسر نو استعمال کی اجازت مانگی جس کے بعد ورلڈ بینک نے ماضی کے قرض کے نئے استعمال کی اجازت دے دی۔
وزارت صحت ذرائع کے مطابق ورلڈ بینک نے پاکستان کو پی آر پی کے لیے 155 ملین ڈالر قرض دیا تھا، پاکستان کے پاس پی آر ای پی کے 153 ملین ڈالر محفوظ ہیں، وزارت صحت نے پلاننگ کمیشن میں جمع پی سی ون واپس لینےکا فیصلہ کیا ہے، وزارت صحت نے پلاننگ کمیشن میں 138 ملین ڈالرکا پی سی ون جمع کرایا تھا۔
ذرائع کا کہنا ہے کہ پاکستان نے کورونا ویکسین کی فنڈنگ کیلئے ورلڈ بینک سے رابطہ کیا تھا، پاکستان نے ورلڈ بینک سے ویکسین کے لیے 153 ملین ڈالر امداد مانگی تھی، حکومت نے اقتصادی امور ڈویژن کے ذریعے ورلڈبینک سے رابطہ کیا تھا، عالمی سطح پر ممکنہ کورونا ویکسین کی ایڈوانس بکنگ کاعمل جاری ہے۔
واضح رہے کہ پاکستان کوکوروناویکسین کی بکنگ میں تاحال کامیاب نہیں ملی، پاکستان ورلڈبینک کی یقین دہانی کےبعد ویکسین بکنگ کے لیے اقدامات تیز کرے گا۔