تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

پنجاب میں کورونا ہائی الرٹ، لاک ڈاؤن نافذ

پنجاب کے مختلف اضلاع میں کورونا ہائی الرٹ جاری کر کے 25اضلاع میں 15 ستمبر تک لاک ڈاون نافذ کر دیا گیا۔

سیکرٹری پرائمری اینڈ سکینڈری ہیلتھ کیئر عمران سکندر بلوچ نے لاک ڈاون آرڈر کا نوٹیفیکیشن جاری کر دیا ہے ‏جس کے مطابق 11ہائی رسک اضلاع میں 27 اگست 2021 کا نوٹیفیکیشن لاگو ہوگا۔

سیکرٹری عمران سکندر بلوچ کا کہنا ہے کہ زیادہ کیسز والے اضلاع میں لاہور، راولپنڈی ، فیصل آباد، ملتان، ‏خانیوال، میانوالی، سرگودھا، خوشاب ، بہاولپور، گوجرانوالہ اور رحیم یار خان شامل ہیں۔

نوٹیفیکیشن کے مطابق مارکیٹیں اور کاروباروں کے اوقات کار رات 10:00 بجے تک مقرر کیے گئے ہیں۔ اتوار کے ‏روز اشیاء ضروریہ کی دکانوں اور کاروباروں کے علاوہ باقی تمام بند رہیں گے۔

ریسٹورنٹس میں 50 فیصد گنجائش کے ساتھ صرف ویکسینیٹڈ افراد کورات 11:59 بجے تک کی اجازت ہوگی جب ‏کہ آؤٹ ڈور ڈائننگ میں رات 11:59 تک مکمل کورونا ایس او پیز کے ساتھ کھلے رہنے کی اجازت ہو گی۔

ان ڈور شادیوں کی تقریبات میں صرف 200 افراد کی شمولیت کی اجازت ہوگی آؤٹ ڈور شادی کی تقریب میں ‏‏400افراد کی موجودگی کی اجازت ہوگی۔

صوبہ بھر کے تمام مزارات کھلے رہیں گے اور صرف ویکسی نیٹڈ افراد کو داخلے کی اجازت دی جائے گی، 30 سال ‏سے زائد عمر کے افراد ہی مزارات پر جا سکتے ہیں۔

تمام سینما گھر بند رہیں گے۔ تمام مذہبی ثقافتی اور دیگر ان ڈور تقریبات پر مکمل پابندی ہو گی البتہ آؤٹ ڈور ‏میں 300 افراد کی اجازت ہو گی۔

کراٹے ، رگبی ، مارشل آرٹس، واٹر پولو، کبڈی اور ریسلنگ پر پابندی ہو گی۔ تمام جمزمیں صرف ویکسنیٹڈ لوگوں ‏کو ورزش کی اجازت ہو گی۔

تمام سرکاری و نجی دفاتر میں 100فیصد عملے کے ساتھ نارمل اوقات کار سے کام کرنے کی اجازت ہو گی۔ پبلک ‏ٹرانسپورٹ میں مسافروں کی گنجائش 70 سے 50 فیصد کی کر دی گئی ہے۔ ریلوے کو صرف 70 فیصد افراد کے ‏ساتھ چلنے کی اجازت ہو گی۔ ‏

تفریحی پارکس، سوئمنگ پولز اور واٹر سپورٹس میں صرف 50 فیصد عملے کی اجازت ہو گی۔ تمام شہریوں کے لیے ‏ماسک پہننا لازم ہے صرف ویکسی نیٹڈ لوگوں کو تفریحی مقامات پر جانے کی اجازت ہے۔

Comments

- Advertisement -
حسن حفیظ
حسن حفیظ
حسن حفیظ ایک نوجوان صحافی ہیں اور اے آر وائی نیوز لاہور کے لئے صحت، تعلیم اور ایوی ایشن سے متعلق خبریں رپورٹ کرتے ہیں