The news is by your side.

Advertisement

بھارت لاک ڈاؤن کی خلاف ورزی، نوجوان اونٹ‌ پر بیٹھ کر گھر پہنچ گیا

اتر پردیش : کرونا لاک ڈاؤن میں پھنسا ہوا نوجوان اونٹ پر سوار ہوکر12دن بعد گھر پہنچ گیا، 15سالہ لڑکے کو محکمہ صحت کی ٹیم نے فوری طور پر قرنطینہ منتقل کردیا۔

تفصیلات کے مطابق کرونا لاک ڈاؤن کے باعث بیرون شہر روزگار کیلئے جانے والے افراد گھر واپس جانے کیلئے پریشان ہیں، جن کو اس کیلئے کئی جتن کرنا پڑتے ہیں۔ اس سلسلے میں ایک 15 سالہ نوجوان لاک ڈاؤن کے دوران اونٹ پر سوار ہوکر اڑیسہ سے ضلع بھدوہی اپنے گھر آگیا، جس کے بعد نوجوان کے اہل خانہ بہت خوش ہیں۔

انکیت دوبے اڑیسہ کے مہابلیشور میں رہتا ہے اوراڑیسہ میں سیاحوں کو اونٹ کی سیر کراتا ہے، وہ لاک ڈاؤن میں پھنس گیا تھا، تمام کوششوں کے باوجود انکیت اپنے گھر نہیں پہنچ پا رہا تھا۔

آخر کار گھر پہنچنے کے لیے اس نے اونٹ کا استعمال کیا جس سے وہ سیاحوں کی سیر کراتا تھا۔ وہ پیر کو اڑیسہ سے بنگال اور جھارکھنڈ کے راستے اپنے گھر پہنچا۔ تاہم اس دوران اسے بہت ساری پریشانیوں کا سامنا کرنا پڑا۔

انکیت کے مطابق جھارکھنڈ کے نکسلی علاقے میں کچھ لوگوں نے اس سے موبائل فون اور رقم چھین لی، گھر پہنچنے پر  مقامی لوگوں کی اطلاع پر محکمہ صحت کی ٹیم نے انکیت سے تفتیش کی۔

اب وہ 14 دن تک گھر میں قرنطین رہے گا۔ محکمہ صحت کی ٹیم نے تھرمل اسکریننگ کی جس میں اس کا درجہ حرارت معمول کے مطابق پایا گیا۔

Comments

یہ بھی پڑھیں