The news is by your side.

Advertisement

عالمگیر وبا: ایک دن میں 1 لاکھ 40 ہزار سے زائد کیسز رپورٹ

کراچی: نئے وائرس کو وِڈ نائنٹین کی عالمگیر وبا نے 213 ممالک 4 لاکھ 28 ہزار 352 انسانی جانیں نگل لیں، وائرس سے اب تک 77 لاکھ 41 ہزار افراد متاثر ہو چکے ہیں۔

تفصیلات کے مطابق انسانیت کے لیے انتہائی مہلک ثابت ہونے والی کرونا وبا سے ہلاکتوں کا سلسلہ جاری ہے، گزشتہ چوبیس گھنٹوں میں دنیا بھر میں 4 ہزار 603 افراد وائرس سے ہلاک ہو چکے ہیں جب کہ 1 لاکھ 40 ہزار سے زائد نئے کیسز سامنے آئے، وائرس سے اب تک 39 لاکھ 66 ہزار سے زائد مریض صحت یاب ہو چکے ہیں۔

کرونا وائرس سے امریکا سب سے زیادہ متاثرہ ملک ہے، گزشتہ چوبیس گھنٹوں کے دوران امریکا میں 791 اموات ہوئیں، جس سے امریکا میں کرونا ہلاکتوں کی تعداد 116,831 ہو گئی ہے، جب کہ 21 لاکھ 17 ہزار سے زائد افراد وائرس کا شکار ہو چکے ہیں۔ امریکا میں گزشتہ چوبیس گھنٹوں کے دوران مزید 27 ہزار سے زائد نئے کیسز سامنے آئے۔ کو وِڈ نائنٹین سے متاثر 8 لاکھ 41 ہزار سے زائد مریض صحت یاب ہو چکے ہیں، تاہم اب بھی 16 ہزار مریضوں کی حالت تشویش ناک ہے۔ امریکا میں نیویارک شہر سب سے زیادہ متاثر ہوا جہاں 30,824 ہلاکتیں ہوئیں اور4 لاکھ 2 ہزار سے زائد لوگ متاثر ہوئے۔

برازیل وہ افریقی ملک ہے جہاں کرونا سے ہلاکتوں میں اضافہ یورپ میں ہلاکتیں کم ہونے کے بعد ہوا، اور اب اس نے ہلاکتوں میں فرانس، اسپین اور اٹلی کے بعد برطانیہ کو بھی پیچھے چھوڑ دیا ہے۔ برازیل ہلاکتوں کی تعداد میں دوسرا سر فہرست ملک بن چکا ہے، جہاں ہلاکتیں بڑھ کر 41,901 ہو گئی ہیں، جب کہ متاثرہ افراد کی تعداد بھی 8 لاکھ 29 ہزار سے زائد ہو گئی ہے۔ گزشتہ چوبیس گھنٹوں کے دوران برازیل میں 843 ہلاکتیں ہوئیں۔

ملک میں کرونا وائرس کیسز کی تعداد 1 لاکھ 32 ہزار سے تجاوز

برطانیہ ہلاکتوں میں تیسرا سر فہرست ملک ہے، گزشتہ چوبیس گھنٹوں کے دوران 202 نئی اموات کے بعد برطانیہ میں مجموعی اموات 41,481 ہو گئی ہیں، جب کہ متاثرہ افراد کی تعداد بھی 2 لاکھ 92 ہزار سے بڑھ گئی ہے، برطانیہ نے صحت یاب ہونے والے مریضوں کا ڈیٹا جاری نہیں کیا۔

یورپی ملک اٹلی چوتھا ملک ہے جہاں وائرس سے بے پناہ ہلاکتیں ہوئیں، اب تک یہ وائرس اٹلی میں 34,223 انسانوں کی جانیں لے چکا ہے، اور 2 لاکھ 36 ہزار سے زائد لوگ وائرس سے متاثر ہوئے، جن میں سے 1 لاکھ 73 ہزار مریض صحت یاب ہوئے، اور 227 مریضوں کی حالت تشویش ناک ہے۔ اٹلی میں گزشتہ چوبیس گھنٹوں کے دوران 56 اموات ہوئیں۔

فرانس اور اسپین بھی شدید متاثرہ ممالک میں سر فہرست ہیں، فرانس میں ہلاکتیں 29,374 ہو چکی ہیں اور مجموعی کیسز کی تعداد 1 لاکھ 56 ہزار سے تجاوز کر گئی ہے۔ اسپین میں 27,136 (اسپین میں گزشتہ ایک ہفتے سے کوئی ہلاکت نہیں ہوئی) افراد وائرس کا شکار ہو کر مرچکے ہیں جب کہ کیسز کی تعداد 2 لاکھ 90 ہزار سے زائد ہو چکی ہے۔

میکسیکو میں 16,448 مریض، بیلجیئم میں 9,646، انڈیا میں 8,890، جرمنی میں وائرس سے 8,863 مریض، ایران میں 8,659 مریض، کینیڈا میں 8,049 مریض، روس میں 6,715، پیرو میں 6,308، نیدرلینڈز میں 6,053 افراد، سوئیڈن میں 4,854، ترکی میں 4,778، چین میں 4,634 (گزشتہ 47 دنوں میں ایک ہلاکت)، ایکواڈور میں 3,828، چلی میں 2,870، پاکستان میں 2,551، انڈونیشیا میں 2,048، سوئٹزرلینڈ میں 1,938، آئرلینڈ میں 1,705، کولمبیا میں 1,545، پرتگال میں 1,505، مصر میں 1,422، رومانیا میں 1,380، جنوبی افریقا میں 1,354، پولینڈ میں 1,222، بنگلا دیش میں 1,095، جب کہ فلپائن میں 1,052 کرونا مریض ہلاک ہو چکے ہیں۔

گزشتہ چوبیس گھنٹوں کے دوران روس، پیرو اور ایکواڈور میں 100 سے زائد اموات، برطانیہ اور چلی میں 200 سے زائد اموات، انڈیا میں 300 سے زائد، میکسیکو میں 500 سے زائد، امریکا میں 700 سے زائد جب کہ برازیل میں 800 سے زائد مریض ہلاک ہوئے۔

Comments

یہ بھی پڑھیں