The news is by your side.

Advertisement

کرونا وائرس : بھارت میں مریض نے انتہائی قدم اٹھا لیا، دیکھنے والے خوفزدہ

امرتسر : بھارت میں کورونا مریضوں کی خودکشی کا سلسلہ جاری ہے، پنجاب میں اسپتال کی پانچویں منزل سے چھلانگ لگا کر ایک اور مریض نے زندگی کا خاتمہ کرلیا۔

تفصیلات کے مطابق کورونا مریضوں کے اسپتال یا کورنٹائن سینٹروں کی چھتوں سے کود کر جان دینے کا سلسلہ تسلسل سے سامنے آ رہا ہے۔

تازہ ترین اطلاعات کے مطابق بھارتی پنجاب کے شہر امرتسر کے گرونانک دیو اسپتال میں زیر علاج کورونا مریض نے پانچویں منزل سے چھلانگ لگا کر خودکشی کرلی۔

بھارتی میڈیا ذرائع سے موصولہ اطلاعات کے مطابق مریض کا نام سورن سنگھ ہے جو سانڈ پورا گاؤں کا رہنے والا تھا, سورن سنگھ گزشتہ 15 اگست کو اسپتال میں داخل ہوا تھا لیکن آج صبح سویرے اس نے اسپتال کی پانچویں منزل سے کود کر اپنی زندگی کا خاتمہ کرلیا۔

پولس نے متوفی کی لاش تحویل میں لے کر  پوسٹ مارٹم کے لئے متعلقہ اسپتال روانہ کردی ہے اور خودکشی کی وجہ کا پتہ لگانے کے لئے مزید  تفتیش کی جارہی ہے۔

قابل ذکر بات یہ ہے کہ اس سے پہلے بھی بھارت کی کئی ریاستوں سے کورونا مریضوں کی خودکشی کا معاملہ سامنے آ چکا ہے۔ اس سے قبل 11 اگست کو ہی حیدرآباد کے ایک اسپتال میں کورونا مریض کے ذریعہ خود کو پھانسی لگا لینے کا واقعہ سامنے آیا تھا۔

مزید پڑھیں : بھارت میں کرونا کے مشتبہ مریض نے آئسولیشن وارڈ سے کود کر خودکشی کر لی

علاوہ ازیں دہلی، مہاراشٹر اور بہار میں کئی مریضوں نے کورونا سینٹرز یا پھر اسپتالوں کی چھت سے کود کر اپنی زندگی کا خاتمہ کرلیا،بیشتر واقعات میں یہی بات سامنے آئی کہ ڈپریشن کی وجہ سے لوگوں نے اپنی زندگی ختم کرلی۔

Comments

یہ بھی پڑھیں