تازہ ترین

پاکستان کے متعدد شہروں میں کورونا کی شرح 5 فیصد سے نیچے آگئی

اسلام آباد : پاکستان میں کورونا کی صورتحال میں بہتری آنے لگی ، متعدد شہروں میں کورونا کی شرح 5فیصد سے نیچے آگئی۔

تفصیلات کے مطابق ملک بھر میں کورونا کیسز کی یومیہ شرح میں نمایاں کمی ریکارڈ کی گئی ،ملک کے حساس 25اضلاع میں کورونا کی یومیہ شرح 5 فیصد سے کم ہوگئی۔

ذرائع کا کہنا ہے کہ 24 گھنٹے میں ملک کے 8اضلاع میں کورونا کی یومیہ شرح صفر ریکارڈ کی گئی ، جن میں مظفرآباد، میرپور، دیامر، اسکردو، صوابی،جہلم، گوجرانوالہ،گجرات شامل ہیں۔

ذرائع نے بتایا کہ کورونا کی بلند ترین 4.28 فیصد یومیہ شرح کراچی میں ریکارڈ کی گئی اور حیدرآبادمیں کوروناکی یومیہ شرح 1.74فیصد رہی۔

اسلام آباد میں کوروناکیسزشرح 0.78فیصد ، راولپنڈی میں 0.60،لاہور میں 1.63فیصد ، بہاولپورمیں شرح 0.65، ملتان میں 1.16فیصد اور فیصل آبادمیں شرح0.19 رہی۔

اسی طرح ، کوئٹہ میں 3.19فیصد ، پشاورمیں 1.03، بنوں2.84فیصد ، ایبٹ آبادمیں 3.37 فیصد ، مردان میں 0.61،نوشہرہ میں 0.81 فیصدریکارڈ کی گئی۔

Comments

- Advertisement -