The news is by your side.

Advertisement

برطانوی سفارت کار کا موت کے بعد کرونا ٹیسٹ منفی آ گیا

اسلام آباد: پاکستان میں تعینات برطانوی سفارت کار کا موت کے بعد کیا گیا کرونا ٹیسٹ نیگیٹو آ گیا ہے، پاکستانی ڈاکٹرز سفارت کار کی موت کی وجہ جاننے کی کوشش کر رہے ہیں۔

تفصیلات کے مطابق برطانوی سفارت خانے کے تھرڈ سیکریٹری برائن رابنسن کی لاش دو دن قبل پولی کلینک لائی گئی تھی، ذرایع کا کہنا تھا کہ سفارت کار کی لاش ڈپلومیٹک انکلیو سے ملی تھی، پولی کلینک کے ڈاکٹرز نے موت کی وجہ جاننے کے لیے فوری طور پر کرونا وائرس کا ٹیسٹ کرایا۔

ذرایع کا کہنا ہے کہ برائن رابنسن کی لاش میں کرونا وائرس کی تصدیق نہیں ہوئی، این آئی ایچ نے سفارت کار کی رپورٹ پولی کلینک کو بھجوا دی۔ ایم ایل او پولی کلینک ڈاکٹر امتیاز کا کہنا تھا کہ برطانوی سفارت کار کی لاش سرد خانے میں رکھی ہوئی ہے، پوسٹ مارٹم کرنے سے قبل کرونا وائرس ٹیسٹ کرایا گیا تھا۔

ایم ایل او کا کہنا تھا کہ پوسٹ مارٹم کے لیے میڈیکل بورڈ تشکیل دیا جائے گا، برائن رابنسن کو مردہ حالت میں اسپتال منتقل کیا گیا تھا، برطانوی سفارت کار کی موت کی وجہ تاحال سامنے نہیں آئی ہے، پوسٹ مارٹم کے ذریعے موت کی وجہ جاننے کی کوشش کریں گے۔

خیال رہے کہ برطانوی سفارت کار برائن رابنسن کی لاش 22 مارچ کو پولی کلینک منتقل کی گئی تھی، بتایا گیا تھا کہ ان کی لاش ڈپلومیٹک انکلیو سے ملی تھی۔

fb-share-icon0
Tweet 20

Comments

comments

یہ بھی پڑھیں