The news is by your side.

Advertisement

خوف کو ختم کرنے کے لیے بڑے پیمانے پر ٹیسٹ کر رہے ہیں: بورس جانسن

لندن: برطانوی وزیر اعظم بورس جانسن نے کہا ہے کہ ملک میں بڑے پیمانے پر کرونا وائرس کے ٹیسٹ کیے جا رہے ہیں تاکہ بیماری کے پھیلاؤ اور اس کے خوف کو ختم کیا جا سکے۔

تفصیلات کے مطابق ٹویٹر پر اپنے ویڈیو پیغام میں برطانوی وزیر اعظم نے ملک میں کرونا وائرس سے بڑھتی ہوئی ہلاکتوں پر افسردگی کا اظہار کیا، انھوں نے کہا کہ وہ کرونا وائرس کے بڑی تعداد میں نئے کیسز سے افسردہ ہیں، دکھ کی اس گھڑی میں ہم متاثرہ افراد اور ان کے اہل خانہ کے ساتھ ہیں۔

انھوں نے کہا کہ ہم متحد ہو کر کرونا وائرس کے کیسز کے آگے روک لگا سکتے ہیں۔

بورس جانسن نے بتایا کہ نیشنل ہیلتھ سروسز کے طبی عملے کے لیے کرونا وائرس سے بچاؤ کی 39 کروڑ 70 لاکھ حفاظتی کٹس برآمد کر لی گئی ہیں، بڑے پیمانے پر ٹیسٹ کیے جا رہے ہیں تاکہ بیماری کے پھیلاؤ اور خوف کو ختم کیا جا سکے۔ انھوں نے کہا کہ وہ جدید ٹیکنالوجی کی مدد سے گھر ہی سے نظام حکومت چلا رہے ہیں، اور حکومتی ذمہ داران سے مکمل رابطے میں ہیں۔

خیال رہے کہ برطانیہ میں نئے اور مہلک وائرس کو وِڈ نائٹین سے اب تک 2,352 افراد ہلاک ہو چکے ہیں جب کہ 29,474 افراد متاثرہ ہیں، جن میں سے صرف 135 مریض ہی صحت یاب ہوئے، جب کہ 163 مریضوں کی حالت تشویش ناک ہے۔

Comments

یہ بھی پڑھیں