The news is by your side.

Advertisement

سندھ میں کرونا ٹیسٹنگ کی سہولت کہاں کہاں فراہم کی گئی ہے؟

کراچی: حکومت سندھ نے ایک فہرست جاری کرتے ہوئے کہا ہے کہ صوبے میں 9 مختلف اسپتالوں میں کو وِڈ 19 کے لیے ٹیسٹنگ کی سہولت فراہم کی گئی ہے۔

اے آر وائی نیوز کے مطابق شہر کراچی میں 7 مقامات پر کرونا وائرس کے ٹیسٹ کی سہولت موجود ہے، جب کہ سندھ حکومت کی جانب سے حیدر آباد اور خیرپور میں ایک ایک مقام پر ٹیسٹنگ کی سہولت فراہم کی گئی ہے۔

کراچی میں جہاں COVID 19 کے ٹیسٹ کی سہولت دستیاب ہے ان اسپتالوں اور لیبارٹریز میں انڈس اسپتال، ڈاؤ یونی ورسٹی اسپتال اوجھا کیمپس، سندھ انسٹی ٹیوٹ آف یورولوجی اینڈ ٹرانسپلانٹیشن (ایس آئی یو ٹی)، سول اسپتال، ضیا الدین اسپتال، پی این ایس شفا اور چغتائی لیب شامل ہیں۔

حیدرآباد میں لیاقت یونی ورسٹی آف میڈیکل اینڈ ہیلتھ سائنسز جب کہ خیرپور میں گمبٹ انسٹی ٹیویٹ آف میڈیکل سائنسز میں کرونا وائرس کی ٹیسٹنگ سہولت فراہم کی گئی ہے۔

حیدرآباد کے علاقے قاسم آباد میں ڈس انفیکشن کا عمل جاری، انتظامیہ نے شہریوں سے اپیل کی کہ غیر ضروری طور پر گھروں سے نہ نکلیں

خیال رہے کہ سندھ میں 61 نئے کیسز کے ساتھ کرونا وائرس سے متاثرہ کیسز کی تعداد 627 ہو گئی ہے، وزیر صحت سندھ کے مطابق کراچی میں 45 نئے کیسز کی تصدیق کے بعد تعداد 294 ہو گئی، جب کہ حیدرآباد میں 14 نئے کیس رپورٹ ہوئے ہیں، جس کے بعد تعداد 57 ہوگئی ہے۔

کراچی میں ضلع جنوبی کرونا وائرس سے سب سے زیادہ متاثر ہے، جہاں 56 افراد میں کرونا وائرس کی تشخیص ہو چکی ہے، ضلع کے اندر سول لائن میں سب سے زیادہ کیسز رپورٹ ہوئے، 56 میں سے 30 مریضوں کی ٹریول ہسٹری ہے جب کہ 26 مقامی منتقلی کے کیسز ہیں۔ ضلع میں کرونا سے متاثرہ 6 مریض صحت یاب ہو چکے ہیں۔ گارڈن اور صدر میں 5، 5 کیس، آرام باغ میں ایک کیس رپورٹ ہوا، لیاری سے کرونا وائرس کے 3 مریض رپورٹ ہوئے، جب کہ ضلع غربی میں کرونا وائرس کے 7 مریض سامنے آئے۔

fb-share-icon0
Tweet 20

Comments

comments

یہ بھی پڑھیں