The news is by your side.

Advertisement

کرونا ویکسینیشن: حکومت کا بیرون ملک جانے کے منتظر افراد کیلئے اہم فیصلہ

اسلام آباد : محکمہ صحت نے بیرون ملک جانے کے منتظر افراد کو بوسٹر ڈوز لگانے کا اصولی فیصلہ کرلیا اور بیرون ملک جانے والوں کی بوسٹر ویکسینیشن کےلیے اسٹڑیٹجی کی تیاری بھی کرلی۔

حکومت کی جانب سے بیرون ملک جانے کے منتظر افراد کےلیے ویکسین کی بوسٹر ڈوز لگانے کا فیصلہ کیا گیا ہے، بوسٹر ویکسینیشن کا آغاز رواں ماہ ہوگا اور یہ ویکسینیشن کا سلسلہ مخصوص شہروں میں ہوگی۔

ذرائع کا کہنا ہے کہ بیرون ملک جانے والوں کی بوسٹر ویکسینیشن کےلیے الگ کاؤنٹر ہوں گے اور ان افراد کو امریکی اور برطانوی بوسٹر ڈوز لگائی جائے گی۔

ذرائع کا کہنا ہے کہ بوسٹر ڈوز والوں سے ویکسین قیمت اور ایڈمنسٹریشن چارجز لیے جائیں گے لیکن بیرون ملک جانے والوں کی بوسٹر ویکسینیشن سفری دستاویز سے مشروط ہے۔

ذرائع کے مطابق بوسٹر ویکسینیشن کے خواہش مند افراد کےلیے ویزہ دکھانا لازم ہوگا پھر ویکسین کی بوسٹر ڈوز لگائی جائے گی اور بعدازاں بیرون ملک جانے کے منتظر افراد کو بوسٹر ڈوز کا سرٹیفکیٹ جاری ہوگا۔

Comments

یہ بھی پڑھیں