اسلام آباد: نیشنل کمانڈ اینڈ کنٹرول سینٹر (این سی اوسی) کی کاوشیں رنگ لے آئیں اور پاکستان نے کرونا ویکسی نیشن سے متعلق بڑا ہدف حاصل کرلیا ہے۔
تفصیلات کے مطابق این سی او سی سربراہ اسد عمر نے سماجی رابطے کی ویب سائٹ ٹوئٹر پر لکھا کہ ان تمام لوگوں کی بے پناہ محنت سے ایک ہدف جس کو لوگ ناممکن سمجھ رہے تھے، حاصل ہو گیا ہے۔
اسد عمر نے لکھا کہ الحمد اللہ 2021 کے اختتام تک 7 کروڑ لوگوں کی مکمل ویکسینیشن کا ہدف پورا کرلیا گیا ہے، اس اہم سنگ میل کے عبور پر میں این سی او سی کی انتھک محنت کرنے والی ٹیم، وفاق اور صوبوں کی انتظامیہ اور صحت کی ٹیموں کا خصوصی طور پر شکر گزار ہوں۔
یہ بھی پڑھیں: کرونا وائرس: ایک روز میں 500 سے زائد نئے کیسز رپورٹ
اسد عمر نے اپنے ایک اور ٹوئٹ میں بتایا کہ اس میں اسلام آباد سرفہرست ہے،جہاں 77 فیصد افراد مکمل ویکسین شدہ ہیں، پنجاب 51 فیصد ، گلگت بلتستان 46 فیصد ، آزاد جموں کشمیر 45 فیصد ، بلوچستان 42 فیصد ، کے پی 41 فیصد اور سندھ 37 فیصد پر ہے۔
الحمد للہ 2021 کے اختتام تک 7 کروڑ لوگوں کی مکمل ویکسینیشن کا ہدف پورا کر لیا گیا. میں NCOC کی انتھک محنت کرنے والی ٹیم، وفاق اور صوبوں کی انتظامیہ اور صحت کی ٹیموں کا خصوصی تور پر شکر گزار ہوں . ان تمام لوگوں کی بے پناہ محنت سے ایک ہدف جس کو لوگ ناممکن سمجھ رہے تھے، حاصل ہوا pic.twitter.com/omRimvWe9g
— Asad Umar (@Asad_Umar) December 31, 2021
سربراہ این سی او سی نے مزید تفصیلات شیئر کرتے ہوئے لکھا کہ کل اہل آبادی میں سے 46 فیصد کو مکمل طور پر ٹیکہ لگایا گیا ہے اور 63 فیصد نے کم از کم ایک خوراک حاصل کی ہے۔
اسد عمر نے بتایا کہ اس بڑے پیمانے پر ویکسینیشن مہم کو ممکن بنانے کے لیے، وفاقی حکومت نے تقریباً 2000000 روپے مالیت کی ویکسین خریدی، 250 ارب کی 100 فیصد ویکسین کی خریداری وفاقی حکومت نے کی ہے، جس نے تمام شہریوں کو مفت ویکسین فراہم کی ہے، قطع نظر اس کے کہ وہ کس صوبے میں رہتے ہیں۔
Amongst the Federating units Islamabad leads with 77 % fully vaccinated. Punjab is at 51 %, GB 46 %, AJK 45 %, balochistan 42 %, KP 41%, and sind at 37 %. Of the total eligible population 46 % is fully vaccinated and 63 % has recieved atleast one dose.
— Asad Umar (@Asad_Umar) December 31, 2021
