The news is by your side.

Advertisement

کوروناویکسین: امریکی حکام کا بڑا اقدام

واشنگٹن: امریکی حکومت نے کوروناوائرس کی تیسری ویکسین(جانسن اینڈ جانسن) کی منظوری دے دی۔

غیرملکی خبررساں ادارے کی رپورٹ کے مطابق امریکی ادویہ ساز کمپنی جانسن اینڈ جانسن کی تیار کردہ ویکسین کی حکومت نے ملک میں ہنگامی استعمال کی منظوری دے دی ہے۔

جانسن اینڈ جانسن ویکسین امریکا میں منظور ہونے والی تیسری ویکسین بن گئی ہے۔ امریکی ادارہ خوراک اینڈ ادویات (ایف ڈی اے) نے ہنگامی استعمال کی اجازت دے دی۔

ایف ڈی اے کے مطابق جانسن اینڈ جانسن کی تیار کردہ ایک خوراک والی ویکسین ہے۔

ایک اور کمپنی نے ویکسین کے استعمال کیلئے اجازت مانگ لی

ادارے نے بتایا کہ مشاہدے سے معلوم ہوا مذکورہ ویکسین پر اثر اور افادیت سے بھرپور ہے، یہ ویکسین متعدل، شدید یا نازک حالت والے مریضوں پر مؤثر ثابت ہوئی۔

ایف ڈی اے کا کہنا ہے کہ یہ ویکسین لگائے جانے کے 28 روز بعد کیسز میں 66.1 فیصد مؤثر رہی۔

اسی طرح شدید یا سنگین بیمار افراد کے لیے اس کی اثر انگیزی کی شرح 85.4 فیصد ریکاڈ کی گئی۔ خیال رہے کہ مذکورہ ویکسین کو تین مہینوں تک عام ریفریجریٹر کے معمول کے درجہ حرارت میں بھی رکھا جاسکتا ہے۔

Comments

یہ بھی پڑھیں