دھوکا دہی اور شناخت کی چوری سے کورونا سرٹیفیکٹ حاصل کرنے پر نادرا کا رد عمل آ گیا۔
بیان میں کہا گیا ہے کہ نادرا اپنے نِمز سسٹم کے ذریعے کووڈ ویکسنیشن پروگرام کےلئے این سی او سی کو تکنیکی معاونت فراہم کر رہا ہےجس میں این سی او سی کے لئے رجسٹریشن سافٹ ویئر Module تیار کیا گیا ہے جو ملک بھر میں ویکسینیشن سینٹر پر ضلعی ہیلتھ آفسرکے زیرنگرانی نصب کر کے ان کے حوالے کیا گیا۔
سینٹرز پر ویکسینیشن عمل یا ڈیٹا رجسٹریشن سے نادرا کا کوئی تعلق نہیں جبکہ ہیلتھ ورکرز مستعدی سےکووڈ ویکسینیشن ڈیٹا کااندراج کر رہے ہیں چند کالی بھیڑیں ان کی شاندار خدمات کو نقصان نہیں پہنچا سکتیں۔ ذمہ دار شہری ہونےکا ثبوت دیں اور غلط اندراج یا جعلسازی سےگریز کریں۔
یاد رکھیں! شناخت کی چوری اور شناخت کی دھوکا دہی ایک جرم ہے جس پر پاکستانی قانون کے تحت تین سال قید/ یا پچاس لاکھ روپے تک جرمانہ کی سزا ہو سکتی ہے۔ ذمہ دار شہری بنیں، شناخت کی چوری کی اطلاع قانون نافذ کرنے والے اداروں کو دیں۔
واضح رہے کہ ملک بھر سے کورونا ویکسین کے جعلی اندراج اور دھوکا دہی سے ویکسینیشن سرٹیفکیٹ حاصل کرنے کے کئی واقعات سامنے آ چکے ہیں۔
