اسلام آباد: صدر مملکت عارف علوی نے کرونا ویکسین کے حوالے سے پیدا کئے جانے والے شکوک وشبہات پر اہم بیان جاری کردیا ہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں صدر عارف علوی نے کہا کہ کرونا ویکسین لازمی ہے، عالمی وبا سے بچاؤ کے لئے ویکسین کی دو خوراک لگائی جاتی ہے، ویکسین کو اثر کرنے میں چند ہفتوں کا وقت لگتا ہے۔
صدر مملکت نے کہا کہ زیادہ تر کیسز میں ویکسین100فیصد موثر ہے، باقی کیسز میں انفیکشن کی شدت بہت کم ہوجاتی ہے۔
ٹوئٹر پیغام میں صدر مملکت نے عوام کو خبردار کیا کہ ان لوگوں سے ہوشیار رہیں جو ویکسین سے متعلق شک وشبہات پیدا کرتے ہیں، حقیقت میں وہ کچھ نہیں جانتے۔
Covid-19 vaccination is a must. It is given in two doses & takes a few weeks to become effective. In most cases it is 100% effective & in remaining, severity of infection is greatly reduced which increases survival rate. Beware of those who who create doubt, as they know not.
— Dr. Arif Alvi (@ArifAlvi) March 21, 2021
واضح رہے کہ گذشتہ روز وزیراعظم عمران خان کا کورونا ٹیسٹ مثبت آیا تھا، جس کے بعد انھوں نے خود کو گھر پر قرنطینہ کرلیا تھا۔
کرونا ٹیسٹ مثبت آنے سے قبل وزیراعظم نے کرونا ویکسین بھی لی تھی، معاملے پر این سی او سی کے سربراہ اسد عمر نے بتایا کہ کرونا کی ویکسین لینے سے قبل ہی وزیراعظم اس کا شکار ہوگئے تھے۔
یہ بھی پڑھیں: ویکسین کےبعدوزیراعظم کو کورونا کی تشخیص کا غلط مطلب نہ لیا جائے، اسد عمر
انہوں نے واضح کیا تھا کہ کرونا ویکسین سے متعلق غلط معلومات پھیلانے سے گریز کیا جائے۔
دوسری جانب وزارت نیشنل ہیلتھ سروسز کا کہنا تھا کہ ویکسین کی دوسری خوراک کے دو سے تین ہفتے بعد اینٹی باڈیز بنتی ہیں۔
