The news is by your side.

Advertisement

آکسفورڈ کی نئی کورونا ویکسین کے مثبت نتائج سامنے آئے، سائنسدان

لندن : آکسفورڈ یونیورسٹی کے محققین کی تیار کردہ کورونا وائرس ویکسین اکتوبر میں ریلیز ہونے والی ہے، اس ویکسین کو کورونا کے بدترین اثرات کی روک تھام کیلئے مؤثر قرار دیا گیا ہے۔

تفصیلات کے مطابق آکسفورڈ یونیورسٹی کے محققین کی جانب سے تیار کی جانے والی ایک ممکنہ کورونا وائرس ویکسین اکتوبر میں ریلیز ہونے والی ہے۔

یہ ویکسین ممکنہ طور پر کوویڈ 19 کے مریضوں کے لیے مددگار ثابت ہوگی کیونکہ یہ جسمانی مدافعتی نظام کے ردعمل کو کم کرتی ہے، اس ویکسین کو کورونا کے بدترین اثرات کی روک تھام کیلئے مؤثر قرار دیا گیا ہے۔

اس حوالے سے ممتاز سائنسدان اور آکسفورڈ یونیورسٹی کے جینر انسٹی ٹیوٹ کے ڈائریکٹر و پروجیکٹ لیڈر پروفیسر ایڈرین ہل نے کہا ہے کہ آکسفورڈ کی کوویڈ19ویکسین اکتوبر میں ریلیز ہونے والی ہے اس کے آزمائشی تجربات امید افزا ثابت ہوئے۔

اس تجربہ کار کوویڈ19 ویکسین نے جانوروں (چمپینز) میں بہت اچھے نتائج ظاہر کیے ہیں جس کے بعد ہم انسانی آزمائشوں کے اگلے مرحلے میں داخل ہوچکے ہیں۔

آکسفورڈ کی ویکسین جسے سی ایچ اے ڈی او ایکس ون کوویڈ19 کا نام دیا گیا ہے اسے فارما سیوٹیکل گروپ آسٹرا زینیکا کے ساتھ مل کر تیار کیا گیا ہے، اسے پہلے مرحلے میں برازیل میں رضاکاروں پر آزمایا جارہا ہے۔

واضح رہے کہ دنیا بھر میں سو سے زائد لیبارٹریز کورونا کی ویکسین تیار کرنے میں مصروف ہیں جن میں سے اب تک دس ہی کلینیکل ٹرائل کے مرحلے تک پہنچ سکی ہیں، ماہرین کا کہنا ہے کہ اگلے سال کے آخر تک کورونا وائرس کی ویکسین بنانا ممکن نہیں ہوگا۔

واضح رہے کہ عالمی ادارہ صحت کے سائنسدانوں نے بھی کرونا ویکسین کی مد میں اسٹرا زینیکا کی تیار کی جانے والی ویکسین کو اب تک کی سب سے بہترین ویکسین قرار دیا ہے۔

غیر ملکی خبر رساں ادارے کی رپورٹ کے مطابق عالمی ادارہ صحت (ڈبلیو ایچ او) کے سائنس دانوں نے کرونا ویکسین کی فہرست تیار کرتے ہوئے کہا کہ اسٹرا زینیکا کمپنی کی جانب سے تیار کی جانے والی کرونا ویکسین اب تک کی سب سے اچھی ویکسین کے طور پر سامنے آئی ہے۔

مزید پڑھیں : کرونا کی موثر ویکسین، عالمی ادارہ صحت نے کمپنی کے نام بتا دئیے

ڈبلیو ایچ او کی سائنسدان سومیا سوامیناتھن نے کہا کہ دو سو سے زائد کرونا ویکسین کی فہرست میں موڈرانا کی کوویڈ 19 ویکسین بھی زیادہ پیچھے نہیں جبکہ اب تک دو سو ویکسین میں سے 15 کے کلینیکل ٹرائلز ہوچکے ہیں۔

ڈبلیو ایچ او کا کہنا ہے کہاسٹرا زینیکا ویکسین کو آکسفورڈ یونیورسٹی کے جینر اسٹیٹیوٹ نے آکسفورڈ ویکسین گروپ کے ساتھ مل کر تیار کررہی ہے۔

fb-share-icon0
Tweet 20

Comments

comments

یہ بھی پڑھیں