The news is by your side.

Advertisement

سیکڑوں کی تعداد میں کرونا ویکسینز کچرے میں‌ پھینکے جانے کا انکشاف

بہاولپور: پنجاب کے شہر احمد پور شرقیہ میں‌ سیکڑوں کی تعداد میں کرونا ویکسینز کچرے میں‌ پھینکے جانے کا انکشاف ہوا ہے۔

تفصیلات کے مطابق ضلع بہاولپور کے شہر احمد پور شرقیہ میں محکمہ صحت کے عملے کی مبینہ غفلت کے باعث سیکڑوں کرونا ویکسینز ضائع ہو گئیں، اگرچہ ان کی میعاد بھی ابھی ختم نہیں ہوئی تھی۔

سیکڑوں کی تعداد میں کرونا ویکسین کچرے کی نذر ہو جانا ایک طرف لمحہ فکریہ ہے تو دوسری جانب محکمہ صحت کے عملے کی بے حسی یا کرپشن کی طرف بھی اشارہ کر رہا ہے۔

کچرے میں پھینکے گئے کرونا وائرس سے بچاؤ کے سیکڑوں انجیکشنز پر ایکسپائری تاریخ بھی2023 درج ہے، کررونا ویکسین کے ساتھ دیگر انجکشنز بھی کچرے میں پڑے ہوئے ملے۔

اے آر وائی نیوز کے مطابق محکمہ صحت کے افسران نے اس واقعے سے لا علمی کا اظہار کیا ہے۔

واضح رہے کہ گزشتہ 24 گھنٹوں میں ملک میں 100 افراد میں کرونا وائرس کی تصدیق ہوئی ہے، این آئی ایچ کے مطابق 24 گھنٹے میں کرونا وائرس سے کسی مریض کا انتقال نہیں ہوا، جب کہ اس دوران 18 ہزار 645 کرونا ٹیسٹ کیے گئے۔

این آئی ایچ کے مطابق ایک دن میں کرونا کے ٹیسٹ مثبت نکلنے کی شرح 0.53 فی صد رہی، کرونا کے زیر علاج مریضوں میں سے 187 کی حالت تشویش ناک بتائی گئی ہے۔

Comments

یہ بھی پڑھیں