The news is by your side.

Advertisement

امریکا میں ایک بار پھر کورونا کی وبا پھیلنے کا خدشہ

واشنگٹن : امریکا میں سردیوں کی آمد کے ساتھ کورونا وائرس پھیلنے کا خدشہ ہوگیا ہے، ڈاکٹر فاؤچی نے امریکیوں کو موسم سرما کی چھٹیوں میں احتیاط برتنے کا مشورہ دیا ہے۔

اس حوالے سے امریکی میڈیا کا کہنا ہے کہ ملک میں آج بھی 70 ہزار سے زائد کورونا کیس رپورٹ ہورہے ہیں، امریکا میں اب بھی چھ کروڑ افراد نے ویکسین نہیں لگوائی۔

تازہ ترین اطلاعات کے مطابق امریکا میں کورونا وائرس سے یومیہ اموات کی تعداد ایک ہزار ہے، امریکا نے آج سے بین الاقوامی مسافروں کیلئے فضائی، زمینی راستے کھول دیئے ہیں۔

ذرائع کا کہنا ہے کہ دنیا بھر سے امریکا آنے والے سیاحوں اور مسافروں کی تعداد میں غیر معمولی اضافے کا امکان ہے، گزشتہ ہفتے امریکا میں 20 ہزار بین الاقوامی مسافر داخل ہوئے، تمام مسافروں کیلئے ویکسین کی شرط برقرار ہے۔

Comments

یہ بھی پڑھیں