نئی دہلی : بھارت کے مختلف شہروں سے اپنے گھروں کو واپس آنے والے مزدوروں کو لائن میں بٹھا کر سینیٹائزر سے نہلا دیا گیا، ان افراد میں خواتین اور بچے بھی شامل تھے۔
تفصیلات کے مطابق کرونا وائرس کے پیش نظر ہونے والے لاک ڈاؤن کے باعث ملک کے مختلف شہروں سے اپنے گاؤں لوٹنے والے مزدوروں کو ان کے ضلع پہنچنے پر مقامی انتظامیہ نے وائرس کے خدشے کے باعث لائن میں بٹھا دیا اور اور ان پر سینیٹائزر کا اسپرے کردیا، جس کی وجہ سے ان لوگوں کی آنکھوں میں جلن ہونے لگی۔
واپس آنے والے مزدوروں میں ان کے اہل خانہ بھی موجود تھے آنکھوں میں جلن ہونے کی شکایت کے باوجود ان افراد کو اسپتال منتقل نہیں کیا گیا۔
Who r u trying to kill, Corona or humans? Migrant labourers and their families were forced to take bath in chemical solution upon their entry in Bareilly. @Uppolice@bareillytraffic @Benarasiyaa @shaileshNBT pic.twitter.com/JVGSvGqONm
— Kanwardeep singh (@KanwardeepsTOI) March 30, 2020
اس وقعے کی ویڈیو سوشل میڈیا پر وائرل ہوتے ہی ضلع مجسٹریٹ نتیش کمار نے متعلقہ افراد کیخلاف سخت کارروائی کی ہدایت جاری کی۔
اس حوالے سے انہوں نے اپنے ٹوئٹر پیغام میں بتایا کہ مقامی انتظامیہ کو بسوں کے اندر سینیٹائز اسپرے کرنے کی ہدایت کی گئی تھی لیکن زیادہ احتیاط کے طور پر انہوں نے ایسا کردیا، ذمہ داران کیخلاف قانونی کارروائی کی جائے گی۔
دوسری جانب بھارت کی حزب اختلاف کی جماعت کانگریس نے اس واقعے کی سختی سے مذمت کی ہے، کانگریس کی رہنما پریانکا گاندھی نے اسے غیر انسانی سلوک قرار دیتے ہوئے کہا کہ بی جے پی کی حکومت کے اقدامات سے عوام پہلے ہی پریشان ہیں، مزدوروں کو کیمیکل سے نہلانا نہیں چایئے تھا۔