کراچی : سول ایوی ایشن اتھارٹی نے کورونا وائرس کے پھیلاؤ کی روک تھام کیلئے اہم اقدامات کا فیصلہ کرلیا اس حوالے سے حکام نے عالمی اور علاقائی فضائی آپریشن کی بندش میں توسیع کردی۔
تفصیلات کے مطابق سول ایوی ایشن اتھارٹی نے کورونا وائرس کے پھیلاؤ کی روک تھام کیلئے عالمی اور علاقائی فضائی آپریشن کی بندش میں توسیع فیصلہ کیا ہے.
مذکورہ توسیع30اپریل2020 رات 11بج کر59منٹ تک کیلئے کی گئی ہے، اس حوالے سے سول ایوی ایشن اتھارٹی نے باضابطہ نوٹم جاری کردیا۔
ڈائریکٹر ایئر ٹرانسپورٹ ایئرکمو ڈور عرفان صابر کی جانب سے باضابطہ طور پرجاری کیے گئے نوٹم میں کہا گیا ہے کہ ریلیف پروازیں، کارگو طیارے جنہیں خصوصی طور پر اجازت دی گئی ہے وہ آپریٹ ہوں گی۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں