تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

پہلی بار کورونا وائرس سے متاثرہ خلیات کی حیران کن ویڈیو

ٹوکیو : جاپانی محققین نے انتہائی اعلیٰ کارکردگی کے حامل الٹرا ہائی ڈیفینیشن کیمرے کی مدد سے کورونا وائرس سے متاثرہ خلیات کی خورد بین سے ویڈیو بنائی ہے۔

اوساکا یونیورسٹی کے محققین کے ایک گروپ اور این ایچ کے نے "8 کے” کیمرے سے لیس بصری مشاہدہ کرسکنے والی خوردبین کو استعمال کرتے ہوئے مشترکہ تجربہ کیا ہے۔

ویڈیو میں نظر آ رہا ہے کہ مویشیوں کے مصنوعی طور پر تیارکردہ خلیات میں انجکشن سے کورونا وائرس داخل کیے جانے کے 4 گھنٹے بعد وہ بد وضع ہونا شروع ہو گئے۔ بعد ازاں یہ خلیات ٹکڑے ٹکڑے ہوگئے۔

ان تصاویر کو جب بڑا کیا گیا تو متاثرہ خلیات کے اندر سفید دانے دار شکل کے ڈھانچے دکھائی دیے۔ مذکورہ گروپ کا کہنا ہے کہ اس مظہر کا تعلق خلیوں کے اندر وباء سے متاثر ہونے کے عمل یا وائرس کے تقسیم در تقسیم ہو کر بڑھنے یعنی تولیدی عمل سے ہوسکتا ہے۔

شریک پروفیسر ناکایاما ایمی نے بتایا کہ ان کا گروپ متاثرہ خلیات کی پہلے سے نامعلوم تفصیلات دیکھ سکنے میں کامیاب رہا۔ انہوں نے بتایا کہ یہ تصاویر ان طبی ادویات کے مؤثر ہونے کو جانچنے میں مددگار ثابت ہوسکتی ہیں جو کورونا وائرس انفیکشن کے علاج کے لئے تیار کی گئی ہیں۔

Comments

- Advertisement -