The news is by your side.

Advertisement

کورونا وائرس؛ وزیراعلیٰ سندھ قومی سلامتی کمیٹی کے اجلاس میں شریک ہوں گے

اسلام آباد: وزیراعلیٰ سندھ سید مراد علی شاہ وزیراعظم کی جانب سے کورونا وائرس کے پھیلاؤ کی روک تھام کے لیے بلائے گئے اجلاس میں شرکت کریں گے۔

تفصیلات کے مطابق کورونا وائرس کے پھیلاؤ کی روک تھام کیلئے قومی لائحہ عمل اپنانےکی تیاری کے سلسلے میں وزیراعظم آفس میں اجلاس بلایا گیا ہے۔

اس ضمن میں وزیراعظم آفس نے وزیراعلیٰ سندھ سید مراد علی شاہ سے رابطہ کیا اور اجلاس مین شرکت کی دعوت دی۔

ترجمان وزیراعلیٰ سندھ کا کہنا ہے کہ سید مراد علی شاہ اجلاس میں شریک ہوں گے۔

واضح رہے کہ وزیراعلیٰ سندھ نےبیان دیا تھا کورونا پر وزیراعظم سےرابطہ نہیں ہو پا رہا، بیان کے بعد آج انہیں شرکت کی دعوت دی گئی ہے۔

وزیراعظم عمران خان نے کرونا وائرس پر قومی سلامتی کمیٹی کا اجلاس کل طلب کیا ہے، اجلاس بلانے سے متعلق پارلیمانی پارٹی کو آگاہ کردیاگیا ہے، اجلاس میں بارڈرز کی بندش سے متعلق نیشنل پالیسی کاجائزہ لیا جائےگا۔

fb-share-icon0
Tweet 20

Comments

comments

یہ بھی پڑھیں