نیو یارک : سڑک پر کھڑے ٹرکوں کے اندر سے درجنوں افراد کی لاشیں برآمد ہوئی ہیں، تعفن پھیلنے پر شہری سے ریسکیو ادارے کو اطلاع دی۔
تفصیلات کے مطابق امریکی ریاست نیویارک میں قائم ایک مردہ خانے کے باہر ریفریجریٹر کے بغیر ٹرکوں سے درجنوں لاشیں برآمد ہوئی ہیں، متعلقعہ حکام کا کہنا ہے کہ مردہ خانوں میں جگہ کم پڑنے کی وجہ سے لاشیں ٹرکوں میں رکھی گئی تھیں، ٹرکوں سے تعفن پھیلنے کی وجہ سے شہریوں کی شکایت پر حکام متحرک ہوئے۔
غیر ملکی خبر رساں ادارے کے مطابق امریکی ریاست نیویارک کے مردہ خانوں میں کورونا کے باعث ہلاک ہونے والے افراد کی لاشوں کو دفنانے سے قبل رکھنے کیلیے جگہ کم پڑ گئی ہے، مردہ خانوں میں جگہ کم پڑ جانے کے بعد لاشوں کو سڑک پر کھڑے ٹرکوں میں رکھا جانے لگا۔
Police were called to a #Brooklyn neighborhood Wednesday after a #NewYork funeral home overwhelmed by the #coronavirus resorted to storing dozens of bodies in rented trucks, and a passerby complained about the smell. #theafricanpress #covid19 pic.twitter.com/eve7Wfaoai
— The African Press (@TheAfricanPress) April 30, 2020
نیویارک کے ٹاؤن بروکلین میں واقع مردہ خانے کے باہر کھڑے ٹرکوں میں درجنیں لاشیں موجود تھیں، جن سے کئی ہفتوں سے شہریوں کو تعفن اٹھنے کی شکایت تھی تاہم جب تعفن زیادہ پھیلنے لگی تو مردہ خانے کے آس پاس رہائش پذیر شہریوں کی شکایت پر حکام نے تحقیقات کیں جس کے بعد 4 بغیر ریفریجریٹر ٹرکوں میں 50 کے قریب لاشیں برآمد ہوئیں۔
تفتیشی حکام کے مطابق مردہ خانے نے تقریباً 50 لاشیں رکھنے کے لیے 4 ٹرک کرائے پر لیے تھے۔ فیونرل ہوم کی انتظامیہ کے خلاف ابھی کوئی مجرمانہ نوعیت کے الزامات عائد نہیں کیے گئے ہیں۔
فیونرل ہوم انتظامیہ کا کہنا ہے کہ وہ لاشوں کودفنانے یا جلانے کے لیے کئی کئی دن انتظار کرنے پر مجبور ہیں جبکہ ان کے پاس لاشیں رکھنے کے لیے جگہ کم ہے۔
