The news is by your side.

Advertisement

کرونا وائرس سے محفوظ رہنے کیلئے ڈی جے براوو نے گانا جاری کردیا

ویسٹ انڈیز کے معروف کرکٹر براوو نے بھی عوام کو کرونا وائرس سے محفوظ رہنے اور احتیاطی تدابیر اپنانے کے حوالے سے اہنا گانا ریلیز کردیا۔

تفصیلات کے مطابق کورونا وائرس کے خلاف جنگ میں اپنا حصہ ڈالتے ہوئے ڈی جے براوو نے یوٹیوب پر ایک گانا جاری کیا ہے جس میں انہوں نے مداحوں سے اپیل کرتے ہوئے کہا ہے کہ وہ کورونا وائرس کے حوالے سے تمام ضروری اور احتیاطی تدابیر پر عمل کریں۔

سماجی رابطے کی ویب سائٹ انسٹاگرام پر بھی براوو نے کرونا وائرس کے خطرے اور احتیاطی تدابیر سے متعلق گانے کی ویڈیو شیئر کی ہے۔

انسٹاگرام پر اپنی پوسٹ میں ڈی جے براوو نے کیپشن میں لکھا ہے کہ ‘ہم ہار نہیں مانیں گے، اس وبا کے دوران میری دلی دعائیں تمام لوگوں کے ساتھ ہیں، آئیں سب مل کر اس وائرس کے خلاف جدوجہد کریں۔

اس سلسلے میں انہوں نے اپنے گانے میں مداحوں سے اپیل کی ہے کہ وہ کورونا وائرس کے حوالے سے تمام ضروری اور احتیاطی تدابیر پر عمل کریں۔

واضح رہے کہ نئے اور مہلک وائرس کووِڈ 19 سے عالمی سطح پر اموات کی تعداد 722,196 ہو گئی ہے، جب کہ وائرس سے اب تک 151,766 مریض صحت یاب ہوچکے ہیں۔

مزید پڑھیں : کرونا وائرس کا مقابلہ کیسے کریں؟ علی ظفر نے گانا ریلیز کردیا، ویڈیو دیکھیں

واضح رہے کہ اس سے قبل سماجی رابطے کی ویب سائٹ انسٹاگرام پر معروف گلوکار علی ظفر نے بھی کرونا وائرس کے خطرے اور احتیاطی تدابیر سے متعلق گانے کی ویڈیو شیئر کی جس میں وہ گٹار بجا کر خود ہی گن گنا رہے تھے۔

fb-share-icon0
Tweet 20

Comments

comments

یہ بھی پڑھیں