The news is by your side.

Advertisement

کرونا وائرس: آئی جی سندھ پولیس کا عوام کے نام پیغام

کراچی: آئی جی سندھ پولیس مشتاق مہر کا کہنا ہے کہ عوام اپنی نقل وحمل کو حقیقی معنوں میں محدود کریں، عوام انتہائی ضروری ہو تو عوامی جگہوں اور مقامات پر جائیں۔

تفصیلات کے مطابق آئی جی سندھ پولیس مشتاق مہر نے عوام کے نام اپنے پیغام میں کہا کہ کرونا سے بچاؤ کے لیے ہدایات پر عملدرآمد کے لیے عوام کے شکرگزار ہیں۔

انہوں نے کہا کہ وباسے نمٹنے کے لیے ہم سب کو ذمہ داری، فرض شناسی کا مظاہرہ کرنا چاہیے، کرونا کے خلاف اپنا انفرادی اور اجتماعی کردار انتہائی ضروری ہے، حکومتی ہدایات کے مطابق اقدامات پر عملدرآمد کرا رہے ہیں۔

مشتاق مہر کا کہنا تھا کہ عوام اپنی نقل وحمل کو حقیقی معنوں میں محدود کریں، عوام انتہائی ضروری ہو تو عوامی جگہوں اور مقامات پر جائیں، غیرضروری میل جول، اجتماعات اور رابطوں سے اجتناب کریں۔

آئی جی سندھ پولیس نے کہا کہ مقصدصرف اورصرف کرونا سے خود کو اپنے خاندان کو محفوط رکھنا ہے، جمعہ کوگاڑیوں،شاہراہوں پر 4 سے زیادہ افراد کے اکٹھے نہ ہونے کو یقینی بنائیں۔

کرونا کا وار، پاکستان میں 2 اموات کی تصدیق، متاثرہ افراد کی تعداد 292 تک پہنچ گئی

واضح رہے کہ پاکستان بھر میں رپورٹ ہونے والے کیسز کی مجموعی تعداد اضافے کے بعد 292 تک پہنچ گئی۔ معاونِ خصوصی برائے صحت ڈاکٹر ظفر مرزا نے کرونا وائرس سے دو پاکستانیوں کی اموات کی تصدیق کر دی۔

fb-share-icon0
Tweet 20

Comments

comments

یہ بھی پڑھیں