The news is by your side.

Advertisement

کون سا پھل کورونا وائرس سے بچاؤ کیلئے مفید ہے؟ ماہر صحت نے بتا دیا

کراچی : ماہرین صحت کا کہنا ہے کہ کورونا وائرس کے اثرات سے وہی شخص بہتر طور پر مقابلہ کرسکتا ہے جس کی قوت مدافعت بہتر ہوگی اور اس کیلئے پھلوں کا استعمال ضروری ہے۔

قوت مدافعت کس طریقے سے بہتر ہوگی اور کون سا پھل اس کو بڑھانے میں اہم ہے اور کون سی غذا کس وقت کھانی چاہیے کہ جس سے ہمارے جسم میں کورونا سے نمٹنے کی صلاحیت پیدا ہو،؟

اس حوالے سے ماہر غذائیت ڈاکٹر ام راحیل نے اے آر وائی نیوز کے پروگرام باخبر سویرا میں اس پر روشنی ڈالی۔ ڈاکٹر ام راحیل نے بتایا کہ قوت مدافعت بڑھانے کیلئے سب سے زیادہ ضروری چیز وٹامن سی ہے۔

ان کا کہنا تھا کہ تمام پھلوں میں کسی نہ کسی مقدار میں وٹامن سی موجود ہوتا ہے، سب سے زیادہ امرود میں ہوتا ہے جبکہ عام طور پر یہ خیال کیا جاتا ہے کہ زیادہ وٹامن سی اورنج میں ہوتا ہے۔

انہوں نے کہا کہ سحری میں ایسا جوس لیا جائے جو ہمارے جسم میں پانی کی مطلوبہ مقدار کو پورا کرسکے جبکہ افطار میں فروٹ چاٹ کا استعمال بھی بہت ضروری ہے۔

ایک سوال کے جواب میں ڈاکٹر ام راحیل کا کہنا تھا کہ ہیٹ ویو کے دنوں میں تربوز بجائے افطار میں کھانے کے اسے سحری میں استعمال کیا جائے اور افطار میں خربوزہ کھایا جائے جو گرمی کی شدت کو کم کرتا ہے۔

Comments

یہ بھی پڑھیں