The news is by your side.

Advertisement

بھارت : کورونا وائرس میں مبتلا دلہا شادی کے دوسرے دن ہی چل بسا

نئی دہلی : بھارت میں شادی کے اگلے روز دولہا کرونا کا شکار ہوکر چل بسا، تقریب میں موجود 111 افراد میں بھی کرونا کی تشخیص ہوئی، اس کی آخری رسومات میں شامل افراد بھی وائرس زدہ ہوگئے۔

تفصیلات کے مطابق بھارتی ریاست بہار میں شادی کی ایک تقریب نے انتظامیہ اور محکمہ صحت کی پریشانیوں میں مزید اضافہ کردیا ہے، شادی میں شرکت کرنے والے افراد تیزی سے کورونا متاثر ہو رہے ہیں۔

پٹنہ کے پالی گنج میں منعقدہ اس شادی کی تقریب کے بعد دولہا کا شادی کے اگلے ہی دن انتقال ہو گیا، ریاست بہار کے ضلع پٹنہ میں واقع پالی گنج میں شادی کی تقریب میں شامل ہونے والے افراد میں سے تقریبا 111 افراد میں کورونا وائرس کی تشخیص ہوئی ہے.

شادی کی تقریب میں شامل  369 افراد کے ٹیسٹ ہو چکے ہیں جن میں 89 افراد کورونا سے متاثر پائے گئے جبکہ 31 افراد میں پہلے ہی کورونا کی تصدیق ہو چکی تھی۔

ضلع انتظامیہ کے مطابق یہ شادی 15 جون کو ہوئی تھی اور اگلے ہی دن دولہا فوت ہوگیا تھا، شادی میں شریک کچھ لوگوں نے کورونا کی علامات کی شکایت کی تھی جس کے بعد بارات میں شرکت کرنے والے افراد کو نمونہ لیا گیا رپورٹ میں نو افراد کورونا سے متاثر پائے گئے۔

اس کے بعد کچھ مزید لوگوں کے متاثر ہونے کی اطلاع ملی تھی، محکمہ صحت کا کہنا ہے کہ اب تک چار مرحلوں میں 369 افراد کے نمونے لیے جا چکے ہیں۔

اہل خانہ کے مطابق دلہا شادی سے پہلے کار کے ذریعے دہلی سے بہار آیا تھا، بہار پہنچنے کے بعد وہ بھی کچھ دنوں تک ہوم قرنطین بھی کیا تھا۔

اہل خانہ کا کہنا ہے کہ شادی سے پہلے کورونا کی کچھ علامات ظاہر ہونا شروع ہوگئی تھیں۔شادی کے اگلے ہی دن اس کی موت ہوگئی، اس کی آخری رسومات میں شامل ہوئے مقامی دکانداروں، سبزی فروشوں اور حلوائیوں کی رپورٹ بھی کورونا مثبت آئی ہے، جس کے بعد انتظامیہ کی تشویش بڑھ گئی ہے۔

Comments

یہ بھی پڑھیں