تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

جامعہ الازہرمصر کا باجماعت نماز اور نماز جمعہ کی ادائیگی سے متعلق فتویٰ جاری

اسلام آباد: کرونا وائرس کے پیش نظر جامعہ الازہر مصر نے باجماعت نماز اور نماز جمعہ کی ادائیگی سے متعلق فتویٰ جاری کردیا۔

اے آر وائی نیوز کی رپورٹ کے مطابق جامعہ الازہر مصر نے باجماعت نماز اور نماز جمعہ کی ادائیگی سے متعلق فتویٰ جاری کیا ہے، صدر مملکت ڈاکٹر عارف علوی نے جامعہ الازہر سے رہنمائی کی درخواست کی تھی۔

جامعہ الازہر کے مطابق عوامی اجتماعات، باجماعت نماز کرونا کے پھیلاؤ کا باعث بنتے ہیں، سرکاری حکام کو باجماعت نمازیں، نماز جمعہ کی منسوخی کا اختیار ہے۔

سپریم کونسل جامعہ الازہر کا کہنا ہے کہ اس سلسلے میں درپیش حالات کو مدنظر رکھا جائے، موذن ’صلوٰۃ فی بیوتکم‘ کے ساتھ ترمیم شدہ اذان دیں۔

مزید پڑھیں: پاکستان میں کورونا وائرس سے ایک اور موت ، تعداد 8 ہوگئی

جامعہ الازہر کے مطابق اہلخانہ اپنے گھروں میں باجماعت نماز کا اہتمام کرسکتے ہیں، بحران میں طبی احتیاطی تدابیر پر ریاستی حکام کے احکامات کی پیروی کریں۔

سپریم کونسل جامعہ الازہر کا کہنا ہے کہ ریاستی عہدیدار باجماعت نماز اور جمعہ کی نمازوں پر پابندی لگاسکتے ہیں، معمر افراد گھروں پر رہیں، باجماعت اور جمعہ کی نمازوں میں شرکت نہ کریں۔

واضح رہے کہ پاکستان میں کرونا وائرس کے مریضوں کی تعداد ایک ہزار تک جاپہنچی ہے جبکہ کرونا وائرس سے انتقال کرجانے والوں کی تعداد 8 ہوگئی ہے۔

Comments

- Advertisement -