The news is by your side.

Advertisement

ملک میں کورونا سے مزید 46 افراد جاں بحق، نئے کیسز بھی سامنے آگئے

اسلام آباد : گزشتہ 24 گھنٹوں کے دوران ملک میں کرونا وائرس سے متاثرہ 46 مریض جان کی بازی ہار گئے،1 ہزار سے زائد نئے کیسز رپورٹ ہوئے۔

نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے ایک ہزار 38 نئے کیسز سامنے آئے ہیں، ملک میں مجموعی کرونا کیسز کی تعداد 9 لاکھ 44 ہزار 65 ہوچکی ہے۔

این سی او سی کے مطابق گزشتہ 24 گھنٹوں کے دوران کرونا وائرس کے مزید 46 مریض جاں بحق ہوگئے جس کے بعد ملک میں کرونا وائرس سے اموات کی تعداد 21 ہزار 874 ہوگئی۔

این سی او سی کے مطابق گزشتہ 24 گھنٹوں کے دوران کرونا وائرس کے 42 ہزار 113 ٹیسٹ کیے گئے، کورونا کے ٹیسٹ مثبت آنے کی شرح 2.46فیصد رہی۔

Comments

یہ بھی پڑھیں