The news is by your side.

Advertisement

کورونا وائرس : اسلام آباد کے 5 تعلیمی ادارے سیل

اسلام آباد : اسلام آباد میں کورونا کیسز میں اضافے کے باعث مزید 5 تعلیمی ادارے سیل کردیے گئے، یہ فیصلہ مختلف اسکولوں میں کیسز سامنے آنے بعد کیا گیا۔

تفصیلات کے مطابق ملک میں کورونا وائرس کے بڑھتے ہوئے کیسز کے پیش نظر وفاقی دارالحکومت اسلام آباد میں اسمارٹ لاک ڈاؤن نافذ کردیا گیا ہے، شہر کے 3 سیکٹرز کی 10گلیاں سیل کردی گئیں ہیں، اس کے علاوہ شہر کے پانچ تعلیمی اداروں کو سربمہر کردیا گیا ہے۔

اس حوالے سے کورونا کے پیش نظر اسلام آباد کے مزید5 تعلیمی ادارے سیل کردیئے گئے ہیں، ڈسٹرکٹ ہیلتھ آفیسر کی رپورٹ میں کہا گیا ہے کہ اسلام آباد کے سیکٹر جی ایٹ ون میں واقع ایک نجی اسکول میں کورونا کے 2 کیسز رپورٹ ہوئے ہیں۔

اس کے علاوہ جی ایٹ ون میں قائم نجی اسکول میں 2کورونا کیسز، ماڈل کالج فار گرلز راول ٹاؤن میں2کورونا کیسز کی تصدیق، ایف ایٹ فور میں نجی اسکول میں دو کورونا کیسز، جی سیون ٹو میں نجی اسکول میں 2کیسز جبکہ سہالہ روڈ پرنجی اسکول میں بھی دو کیسز رپورٹ ہوئے ہیں۔

واضح رہے کہ اسلام آباد اس سے پہلے 54تعلیمی اداروں کو 2یا اس سے زائد مرتبہ کورونا کیسز کے رپورٹ ہونے پر سیل کیاجا چکا ہے۔

Comments

یہ بھی پڑھیں