تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

دنیا بھر میں کرونا مریضوں کی تعداد ایک کروڑ 39لاکھ، 5 لاکھ 92 ہزار ہلاکتیں

واشنگٹن : دنیا بھر میں عالمگیر وبا کرونا وائرس کے جان لیوا حملے جاری ہیں، کرونا متاثرہ افراد کی تعداد ایک کروڑ 39لاکھ سے زائد ہوگئی جبکہ وبائی مرض سے اب تک 5 لاکھ 92ہزار افراد ہلاک ہوچکے ہیں۔

تفصیلات کے مطابق دنیابھر میں کورونا سےاموات پانچ لاکھ بانوے ہزارکے قریب ہوچکی ہیں جبکہ مریضوں کی تعداد ایک کروڑ انتالیس لاکھ سے زائد ہے،امریکا میں اموات ایک لاکھ اکتالیس ہزارسے زائد ہوگئیں۔

مریضوں کی تعداد چالیس لاکھ کے قریب پہنچ گئی، برازیل میں اموات چھہتر ہزار، مریض بیس لاکھ سے زائد ہیں، اس کے علاوہ بھارت میں مریضوں کی تعداد 10 لاکھ 56 ہزاراور اموات 25 ہزارسے اوپر ہو چکی ہیں۔

دوسری جانب پاکستان میں کرونا سے اموات اور اس کے حملوں کی صورتحال میں بہتری آنے لگی، چوبیس گھنٹے کےدوران صرف چالیس افراد جاں بحق اور دو ہزار ایک سو پینتالیس نئے کیس رپورٹ ہوئے۔

واضح رہے کہ بے قابو وائرس کو کنٹرول کرنے کے لیے طب کے عالمی ادارے کرونا ویکسین کی تیاری میں جٹے ہوئے ہیں تاکہ وبا کو کسی صورت قابو پاسکیں، ماہرین نے خدشہ ظاہر کیا ہے کہ کوئی ممکنہ دوا نہ ملی تو اموات اور کیسز بڑھتے جائیں گے۔

مزید پڑھیں : عالمی ادارہ صحت کی کرونا کے حوالے سے نئی وارننگ

غیرملکی خبررساں ادارے کی رپورٹ کے مطابق عالمی ادارہ صحت کے سربراہ ڈاکٹر ٹیڈروس نے دو ٹوک الفاظ میں کہا ہے کہ بہت سارے ممالک غلط سمت میں جارہے ہیں، اگر حکومتیں کرونا وائرس کے پھیلاؤ کو روکنے کے اقدامات نہیں اٹھائیں گی تو صورتحال مزید خراب ہوجائے گی۔

 

Comments

- Advertisement -