The news is by your side.

Advertisement

بغداد : 80 افراد کورونا مریض کے گھر دعوت کھانے پہنچ گئے

بغداد : ایران سے وطن واپس آنے والے عراقی باشندے نے اپنے ساتھ80افراد کو بھی کرونا وائرس کی لپیٹ میں لے لیا، گھر پہ کھانے کی دعوت دے کر ان لوگوں کی زندگی خطرے میں ڈال دی۔

تفصیلات کے مطابق ایران سے واپس آنے والے ایک عراقی نے اپنے عزیز و اقارب کو اپنے گھر کھانے پر مدعو کیا، ان لوگوں میں 80افراد شامل تھے۔

عراقی ذرائع ابلاغ کے مطابق کھانے پرمدعو افراد یہ بات جان کر حیران رہ گئے کہ ان کا میزبان کورونا وائرس کا مریض ہے، جس کے بعد وہ سب خوفزدہ ہوگئے۔

ان لوگوں نے اس بات پر افسوس اور غصہ کا بھی اظہار کیا کہ جب میزبان کو پتہ تھا کہ وہ وبا زدہ ملک ایران سے عراق پہنچا ہے اور خود بھی کورونا وائرس میں مبتلا ہے تو اسے کسی کو بھی کھانے پر اپنے گھر نہیں بلانا چاہئے تھا۔

لاعلمی میں پہنچ گئے پتہ نہیں اب ہمارا کیا ہوگا؟ اس حوالے سے عراقی محکمہ صحت کے ڈائریکٹر الکرخ جاسب لطیف نے میڈیا سے گفتگو کرتے ہوئے کہا کہ اب ہمارے لیے یہ بڑا مسئلہ بن گیا ہے کہ کورونا کے مریض عراقی کے اہل خانہ کو کہاں اور کس طرح تلاش کیا جائے۔

ان تمام افراد کو قرنطینہ میں رکھا جائے گا۔عراقی محکمہ صحت کے عہدیدار نے ذرائع ابلاغ کی مدد سے اپیل کی کہ وہ تمام افراد جو کورونا کے مریض عراقی کے یہاں مدعو تھے وہ 14 دن تک اپنے گھروں میں بند رہیں۔ الگ تھلگ رہیں اور احتیاطی تدابیر کا اہتمام کریں۔

fb-share-icon0
Tweet 20

Comments

comments

یہ بھی پڑھیں