The news is by your side.

Advertisement

کورونا وائرس : پنجاب میں بڑے بازاروں کو بند کرنے کا فیصلہ

لاہور : پنجاب حکومت نے ایک بار پھر لاہور، فیصل آباد اور راولپنڈی کے بازاروں کو بند کرنے کا فیصلہ کرلیا، فیصلے پر عملدرآمد آج سے ہوگا۔

تفصیلات کے مطابق ایس او پیز پر عمل نہ کرنے کے نتائج سامنے آنے لگے، نہ عوام نے سنی اور نہ ہی تاجروں نے حکومتی احکامات پر عمل کیا، کورونا وائرس کے تناظر میں پنجاب حکومت نے ایک بار پھر لاہور، فیصل آباد اور راولپنڈی کے بازاروں کو بند کرنے کا فیصلہ کرلیا جس پر عملدرآمد آج سے ہوگا۔

ذرائع کا کہنا ہے کہ چیف سیکریٹری پنجاب نے این سی او سی میں بریفنگ دی جس میں بتایا گیا کہ صوبے بھر میں دکاندار اورعوام ایس او پیز پر عمل نہیں کررہے جس کے باعث کورونا وائرس کے میں پھیلنے میں مزید تیزی آگئی ہے۔

ذرائع کے مطابق پنجاب میں بڑی مارکیٹیں این سی او سی کے فیصلوں کے تناظر میں بند کردی جائیں گی، لاہور، فیصل آباد اور راولپنڈی میں چند گھنٹے بعد ایکشن شروع ہوگا۔

مزید پڑھیں : کورونا کے بڑھتے کیسز، وفاقی حکومت کا لاک ڈاؤن میں سختی کے آپشن پر غور شروع

ملک میں کورونا کے مریضوں اور اموات میں تشویشناک اضافہ ہوتا جارہا ہے، اس صورتحال میں وفاقی حکومت نے اسمارٹ لاک ڈاؤن میں سختی پر غور شروع کردیا ہے۔

ذرائع کا کہنا ہے کہ وزیر اعظم عمران خان کی زیر صدارت اعلیٰ سطحی اجلاس ہوا، جس میں لاک ڈاؤن سخت کرنے کے آپشن پر غور کیا گیا اور فیصلہ کیا کہ پہلے عوام کوکورونا سے بچاؤکےضابطہ اخلاق پرعمل کی تلقین کی جائےگی۔

fb-share-icon0
Tweet 20

Comments

comments

یہ بھی پڑھیں