اسلام آباد: وزیراعلیٰ بلوچستان جام کمال خان کا کہنا ہے کہ کرونا وائرس خطرے کے پیش نظر ایران سے منسلک اضلاع میں ایمرجنسی نافذ کر دی گئی ہے۔
تفصیلات کے مطابق وزیراعلیٰ بلوچستان نے سماجی رابطے کی ویب سائٹ ٹویٹر پر اپنے پیغام میں کہا کہ وزیراعظم عمران خان اور معاون خصوصی برائے صحت ڈاکٹر ظفر مرزا سے ٹیلی فونک رابطہ ہوا ہے۔
وزیراعلیٰ بلوچستان نے وزیراعظم اور معاون خصوصی برائے صحت سے ایران میں کورونا وائرس کے پھیلنے کی اطلاعات کے تناظر میں تبادلہ خیال کیا گیا۔
جام کمال خان کا کہنا تھا کہ کرونا وائرس سے بچاؤ کے اقدامات کی خود نگرانی کر رہا ہوں، احتیاطی تدابیر کے لیے خصوصی ٹیمیں تشکیل دی گئیں، ضلعی صحت افسران کو تمام احتیاطی تدابیر کی ہدایت کی گئی ہے۔
وزیراعلیٰ بلوچستان نے کہا کہ خصوصی طبی ٹیمیں تفتان اور دیگر حساس علاقوں میں تعینات ہیں، ایران سے منسلک اضلاع میں ایمرجنسی نافذ کر دی گئی ہے۔
Had communication with PM and Federal health minister on Coronovirus… from first day all precautionary steps being taken
Dedicated cell/teams are vigilance, precautions taken, things for emergency and rest been told
People are req to keep track and see if any swine flu signs
— Jam Kamal Khan (@jam_kamal) February 22, 2020
ایران سے کرونا وائرس کی پاکستان منتقلی کا خطرہ
واضح رہے کہ ایران میں کرونا وائرس سے 5 افراد کی ہلاکتوں کے بعد وائرس کی پاکستان منتقلی کا خطرہ بڑھ گیا ہے، جس کے بعد بلوچستان حکومت نے تافتان بارڈر پر اضافی عملے کی تعیناتی کافیصلہ کیا ہے تفتان بارڈر سے یومیہ ہزاروں زائرین پاکستان داخل ہوتے ہیں۔
