The news is by your side.

Advertisement

سعودی عرب میں کورونا وائرس دم توڑنے لگا، کیسز میں ریکارڈ کمی

ریاض : سعودی عرب میں گزشتہ روز کورونا وائرس کے نئے کیسز میں ریکارڈ کمی سامنے آئی ہے جو پچھلے چار ماہ میں سب سے کم تعداد ہے، وزارت صحت کا کہنا ہے کہ حالات بہتری کی جانب گامزن ہیں۔

وزارت صحت کے مطابق اتوار 27 ستمبر کو گذشتہ 24 گھنٹوں کے دوران 403 نئے مریضوں کی تصدیق ہوئی ہے۔ اس طرح متاثرین کی تعداد بڑھ کر 3 لاکھ 33 ہزار193 ہو گئی ہے۔

وزارت صحت کی جانب سے جاری اعداد و شمار میں بتایا گیا کہ گذشتہ 24 گھنٹوں کے دوران600 افراد صحت یاب ہوئے ہیں مملکت میں اب تک 3 لاکھ 17 ہزار 5 افراد اس مرض سے شفایاب ہو چکے ہیں۔

وزارت صحت کا کہنا ہے کہ گذشتہ روز کورونا وائرس میں مبتلا28 مریض جاں بحق ہوئے اب تک اموات کی مجموعی تعداد چار ہزار 683ہوچکی ہے۔

مملکت میں اس وقت فعال کیسز کی تعداد 11 ہزار505 ہے جن میں سے ایک ہزار 32 مریض انتہائی نگہداشت کے وارڈ میں زیرعلاج ہیں۔

گذشتہ 24 گھنٹوں کے دوران مختلف شہروں میں کورونا وائرس کے نئے کیسز کی سب سے زیادہ تعداد مدینہ میں رہی جہاں 43نئے مریض سامنے آئے ہیں۔

جدہ میں43، الھفوف32،مکہ 32، ریاض29، دمام21، حائل20، الظہران16، بلجرشی11، طائف9، المبرز6، ینبع6، خمیس مشیط6 اور قطیف میں6 کیسز سامنے آئے ہیں۔

تازہ ترین اعداد و شمار کے مطابق17 شہروں میں مریضوں کی تعداد ایک، ایک، 11 شہروں میں2، 2 اور9 شہروں میں3،3جبکہ2 شہروں میں4،4 افراد میں کورونا وائرس کی تصدیق ہوئی ہے۔

سعودی عرب میں متعدی امراض سے بچاؤ اور وبا کو پھیلنے سے روکنے کے لیے حفاظتی اقدامات کا سلسلہ تاحال جاری ہے، وزارت صحت کے ترجمان کے مطابق پچھلے ایک ماہ سے کورونا کے کیسز میں مسلسل کمی آرہی ہے۔ ترجمان کا کہنا تھا کہ کورونا کے کیسز میں کمی کے حوالے سے اب تک تمام اشارے امید افزا ہیں۔

Comments

یہ بھی پڑھیں