The news is by your side.

Advertisement

کورونا وائرس: سعودی وزارت انصاف کا اہم اقدام

طائف : سعودی عرب میں پہلی بار قیدیوں کے مقدمات کی سماعت آن لائن کی گئی، نئے کورونا وائرس کی وبا کے عالم میں آن لائن عدالتی کارروائی ناگزیر ہوگئی ہے۔

تفصیلات کے مطابق سعودی وزارت انصاف مملکت کی تمام جیلوں میں آن لائن مقدمے کے انتظامات کی پالیسی پر گامزن ہے، اس سلسلے میں طائف جیل میں پہلی بار فوجداری عدالت کے تعاون سے آن لائن مقدمہ کی سماعت ہوئی۔،

سعودی ذرائع ابلاغ کے مطابق کورونا وائرس کی عالمی وبا کے پیش نظر آن لائن عدالتی کارروائی ناگزیر ہوگئی ہے، اس حوالے سے طائف کی جیل کے ڈائریکٹر کرنل ماجد الثبیتی بتایا کہ جیل میں مقدمے کی آن لائن سہولت کے پہلے دن 5 قیدیوں کو فائدہ حاصل ہوا، مختلف مقدمات میں مطلوب 5 قیدیوں کی عدالتی کارروائی آن لائن کی گئی۔

ان لائن مقدمات کی سماعت کیلیے طائف جیل میں مخصوص کیبن پر مشتمل ایک عمارت تیار کی گئی ہے ان میں سے چار کیبن انفرادی مقدمات کے لیے مخصوص ہیں جبکہ ایک کیبن اجتماعی مقدمات کے لیے خاص کیا گیا ہے۔

انہوں نے بتایا کہ طائف جیل میں آن لائن مقدمات کے لیے قائم کیے گئے پانچوں کیبن نیٹ ورک، ٹی وی اسکرین، مائیکرو فون، ہیڈ فونز اور انگلیوں کے نشانات والے آلے سے لیس ہیں، مقدمے کی کارروائی عدالت اور جیل کے متعلقہ افراد کی موجودگی میں کی جارہی ہے۔

fb-share-icon0
Tweet 20

Comments

comments

یہ بھی پڑھیں