The news is by your side.

Advertisement

کورونا وائرس : سعودی حکومت نے فضائی مسافروں کو اہم ہدایت جاری کردی

ریاض : سعودی حکومت نے بیرون ملک جانے والے مسافروں کو ہدایت کی ہے کہ کورونا وائرس کے ٹیسٹ کیلئے صرف دو سینٹرز سے رجوع کیا جائے بصورت دیگر رپورٹ منظور نہیں کی جائے گی۔

اس حوالے سے سعودی وزارت صحت نے فضائی مسافروں کو آگاہ کرتے ہوئے کہا ہے کہ ’تطمن‘ اور ’تاکد‘سینٹرز میں کرائے گئے کورونا ٹیسٹ کی رپورٹ بیرون ملک سفر کے لیے کارآمد نہیں ہوگی۔

سعودی ذرائع ابلاغ کے مطابق بیرون ملک سفر کرنے والے سعودی شہریوں اور مقیم غیرملکیوں نے سماجی رابطے کی ویب سائٹ ٹوئٹر پر ادارے سے استفسار کیا تھا کہ کیا ’تطمن‘ اور ’تاکد‘ سینٹرز میں کورونا ٹیسٹ کا رزلٹ بیرون ملک سفر کے وقت وبا سے پاک ہونے کے ثبوت کے طور پر مؤثر ہوگا؟

میڈیا ذرائع کے مطابق وزارت صحت نے ٹوئٹر پر صحت937‘اکاؤنٹ پر بیان میں کہا کہ تاکد اور تطمن سینٹرز میں کرائے جانے والے کورونا ٹیسٹ کے نتائج اس حد تک مفید ہیں کہ متعلقہ شخص کو وائرس کا شبہ ہوجانے کی صورت میں اطمینان حاصل ہوجاتا ہے کہ وہ کورونا وائرس کا مریض ہے یا نہیں۔

ترجمان وزارت صحت کے مطابق اس کا ایک فائدہ یہ ہوتا ہے کہ اگر کورونا ٹیسٹ کی رپورٹ پوزیٹیو ہے تو اہل خانہ اور معاشرے کو وائرس سے بچانے میں مدد ملے گی۔

وزارت صحت نے مزید کہا کہ کورونا ٹیسٹ کی رپورٹ ’صحتی‘ ایپ سے ایس ایم ایس کے ذریعے آن لائن فراہم کی جاتی ہے۔

Comments

یہ بھی پڑھیں