The news is by your side.

Advertisement

کورونا وائرس : بیرون ملک جانے والے سعودی شہریوں کو ہدایات

جکارتہ : انڈونیشیا میں سعودی سفیر عصام الثقفی نے سعودی شہریوں کو مشورہ دیا ہے کہ کورونا وبا ختم ہونے تک انڈونیشیا کے سفر کا پروگرام مؤخر کردیں جبکہ انڈونیشیا پہنچنے والے سعودی جکارتہ میں سفارت خانے سے رابطے میں رہیں۔

میڈیا سے گفتگو میں سعودی سفیر نے کہا کہ کورونا سے بچاؤ کے لیے مقررہ ضوابط کی سختی سے پابندی کریں، انڈونیشیا میں ہر روز کورونا کے دو ہزار سے زیادہ مصدقہ کیسز ریکارڈ پر آرہے ہیں۔

سعودی سفیر کا کہنا تھا کہ جو سعودی انڈونیشیا کا سفر کرنا چاہتے ہیں وہ قواعد و ضوابط کی پابندی کریں۔ ریاض میں انڈونیشی سفارتخانے یا جدہ میں انڈونیشی قونصلیٹ سے آن لائن ویزا حاصل کریں۔

انڈونیشیا پہنچنے پر 5 روز تک 25 ہوٹلوں میں سے کسی ایک منظور کردہ ہوٹل میں ہیلتھ آئسولیشن کے طور پر رہنا ہوگا جبکہ اس دوران پی سی آر ٹیسٹ بھی کرانا پڑے گا۔

ہیلتھ آئسولیشن کا دورانیہ مکمل کرکے ہی جکارتہ یا انڈونیشیا کے کسی شہر یا علاقے کا سفر ممکن ہوگا۔ کورونا کے تمام ٹیسٹ سیاح یا ملاقاتی کے خرچ پر ہوں گے۔ ہیلتھ آئسولیشن کی پابندی سے ان دنوں انڈونیشیا میں سیاحوں کی آمد محدود ہے۔

Comments

یہ بھی پڑھیں