The news is by your side.

Advertisement

کرونا کے خطرے کے پیش نظر مزید 24 ٹرینوں کو روک دیا گیا، شیخ رشید

راولپنڈی: وزیر ریلوے شیخ رشید احمد نے کہا ہے کہ کرونا کے خطرے کے پیش نظر مزید 24 ٹرینوں کو روک دیا گیا ہے، اب تک مجموعی طور پر 34 ٹرینوں کو روکا گیا ہے۔

تفصیلات کے مطابق وزیر ریلوے شیخ رشید نے اپنے ویڈیو پیغام میں کہا ہے کہ ملک میں 134 میں سے 100 ٹرینیں چل رہی ہیں، 10 سے 15 فریٹ ٹرینیں چل رہی ہیں۔

شیخ رشید نے کہا کہ پاکستان ریلوے کے یومیہ مسافروں کی تعداد میں کمی ہوئی ہے، 2 لاکھ سے کم ہوکر ایک لاکھ 65 ہزار مسافر یومیہ سفر کررہے ہیں۔

انہوں نے کہا کہ کرائے کی مد میں حاصل 8 کروڑ روپے مسافروں کو واپس کردئیے ہیں، مسافر اپنا ٹکٹ دوسری ٹرین میں بھی استعمال کرکے سفر کرسکتے ہیں۔

مزید پڑھیں: ریلوے کا شہروں کے اندر اور باہر مختلف اسٹیشنز پر اضافی اسٹاپ دینے کا فیصلہ

واضح رہے کہ اس سے قبل وزیر ریلوے شیخ رشید نے کرونا وائرس کے پیش نظر مرحلہ وار 34 ٹرینیں بند کرنے کا اعلان کیا تھا۔

شیخ رشید کا کہنا تھا کہ 134 ٹرینیں روزانہ چلتی ہیں، 22 مارچ سے 12 ٹرینیں بند کی جارہی ہیں، ضرورت پڑنے پر مزید 20 ٹرینیں بھی بند کرسکتے ہیں۔

ان کا کہنا تھا کہ ہم جو کماتے ہیں وہی ریلوے پر خرچ کرتے ہیں، اگر پوری سروس بند کی تو ہمارے پاس پنشن اور ملازمین کی تنخواہ کے پیسے نہیں ہیں، ہم 134 ٹرینوں میں سے 34 بند کرنے جارہے ہیں اس سے ملازمین کی تنخواہیں نہیں رکیں گی۔

fb-share-icon0
Tweet 20

Comments

comments

یہ بھی پڑھیں