The news is by your side.

Advertisement

کورونا کیسز میں کمی کیسے ہوئی، شبلی فراز نے بتا دیا

اسلام آباد : وزیراطلاعات شبلی فراز نے کہا ہے کہ پاکستان میں کورونا کیسز میں کمی کی وجہ حکومتی اقدامات ہیں، وزیراعظم عمران خان روزانہ کی بنیاد پرصورتحال کی خود مانیٹرنگ کررہے ہیں۔

یہ بات انہوں نے کوروناوائرس سے متعلق ویڈیو کانفرنس سےخطاب کرتے ہوئے کہی، شبلی فراز نے کہا کہ ایس ڈی پی آئی نے انتہائی اہم موضوع پرکانفرنس کا انعقادکیا، امریکااوریورپ کی طرح کوروناوائرس نےہمیں متاثرنہیں کیا۔

انہوں نے کہا کہ پاکستان میں کوروناکیسزمیں کمی کی وجہ حکومتی اقدامات ہیں، وزیراعظم روزانہ کی بنیادپرصورتحال کی خودمانیٹرنگ کررہے ہیں وبا کے پھیلاؤ کو مانیٹرکرنے کیلئےنیشنل کوآرڈی نیشن کمیٹی قائم کی، این ڈی ایم اے کوٹاسک سونپا گیاکہ اسپتالوں کی تمام ضروریا ت پوری کریں۔

وزیراطلاعات کا کہنا تھا کہ نیشنل کمانڈاینڈآپریشن سینٹرقائم کیاجوصورتحال پرنظررکھےہوئےہے، این سی اوسی وباکےپھیلاؤسےمتعلق اپ ڈیٹ فراہم کرتاہے، این سی اوسی میں وباکوروکنےکی حکمت عملی بھی ترتیب دی جاتی ہے۔

انہون نے کہاکہ اللہ کاشکرہےکہ ہماری کاوشیں کامیاب ہوئی ہیں، ہم نےبغیروقت ضائع کیےقرنطینہ کی سہولتیں دیں، کوروناہراول دستےکوضروری حفاظتی سامان فراہم کیاگیا، چین کاشکریہ اداکرتےہیں جنہوں نےسب سےپہلےحفاظتی سامان دیا۔

شبلی فراز نے کہاکہ طلبہ کوچین سےواپس نہ بلانےکافیصلہ وقت نےدرست ثابت کیا، ہمارے طلبہ کاخیال رکھنےپرچین کی حکومت کاشکریہ اداکرتےہیں، محسوس کیالاک ڈاؤن اشدضروری ہےتواسےنافذکردیاگیا۔

وزیرت اطلاعات کا مزید کہنا تھا کہ وزارت تعلیم کےاشتراک سےٹیلی اسکول کااجراایک اہم اقدام ہے، عوام میں آگاہی سےمتعلق پاکستانی میڈیاکاکردارقابل ستائش ہے، حکومت کوروناوباکےمعیشت پراثرات باخبرتھی، وزیراعظم عمران خان کوغربااورڈیلی ویجرزکااحساس ہے، لاک ڈاؤن میں نرمی کافیصلہ تمام اکائیوں کی مشاورت سےکیاگیا۔

Comments

یہ بھی پڑھیں