The news is by your side.

Advertisement

کرونا وائرس کے پیش نظر دنیا بھر میں کھیلوں کی سرگرمیاں معطل

جوہانسبرگ: کرونا وائرس کے پیش نظر دنیا بھر میں کھیلوں کی سرگرمیاں معطل کردی گئیں۔

غیرملکی خبررساں ادارے کی رپورٹ کے مطابق کرونا وائرس کے پیش نظر دنیا بھر میں کھیلوں کی سرگرمیاں بھی معطل کردی گئیں، برطانیہ اور جنوبی افریقہ نے حالات بہتر ہونے تک تمام بڑے ایونٹس منسوخ کردئیے۔

یورو 2020 بھی ایک سال کے لیے ملتوی کردیا گیا، یورو چیمپئن شپ جون 2021 میں ہوگی۔

رپورٹ کے مطابق کوپا امریکا فٹبال چیمپئن شپ بھی ایک سال کے لیے ملتوی کردی گئی ہے، کوپا امریکا چیمپئن شپ رواں سال ارجنٹینا، کولمبیا میں کھیلی جانی تھی۔

دوسری جانب ٹوکیو اولمپکس کے حوالے سے اہم میٹنگ آج ہوگی، میٹنگ میں انٹرنیشنل اولمپکس کمیٹی ٹیلی فونک کانفرنس کے ذریعے انٹرنیشنل اسپورٹس فیڈریشن سے رابطہ کرے گی جس میں کوالیفائنگ میچز زیر بحث آئیں گے۔

مزید پڑھیں: کرونا وائرس، پاکستان کرکٹ بورڈ نے پی ایس ایل فائیو کے میچز ملتوی کردیئے

واضح رہے کہ امریکی صدر ڈونلڈ ٹرمپ نے کرونا وائرس کے باعث جاپان میں ہونے والے اولمپکس گیمز 2020 کو ملتوی کرنے کی تجویز دی تھی۔

ڈونلڈ ٹرمپ کا کہنا تھا کہ تماشائیوں کے بغیر خالی اسٹیڈیمز دیکھنے سے زیادہ اولمپکس گیمز ملتوی ہونا بہتر ہے۔

یاد رہے کہ کرونا وائرس کے پیش نظر پاکستان کرکٹ بورڈ نے بھی پی ایس ایل کے 2 سیمی فائنلز اور فائنل میچز ملتوی کردئیے اور کہا ہے کہ میچز کو ری شیڈول کیا جائے گا۔

خیال رہے پی ایس ایل 5 کے دونوں سیمی فائنلز آج لاہور میں کھیلے جانے تھے جبکہ پی ایس ایل کا فائنل میچ کل ہونا تھا۔

fb-share-icon0
Tweet 20

Comments

comments

یہ بھی پڑھیں