The news is by your side.

Advertisement

“کرونا وائرس 5G موبائل سے پھیل رہا ہے”

لندن: “کرونا وائرس 5G موبائل سے پھیل رہا ہے” برطانیہ میں موبائل ٹاورز کی شامت آ گئی اور چند روز میں7 ٹاورز پر حملہ کر کے 3 کو آگ لگا دی گئی۔

برطانیہ میں بہت سارے لوگ اس تھیوری سے متاثر ہیں کہ کرونا وائرس فائیو جی ٹیکنالوجی کی وجہ سے پھیل رہا ہے۔ انہوں نے گزشتہ دنوں برمنگھم، لیورپول اور میری سائیڈ میں مظاہرین نے موبائل ٹاورز کو آگ لگا دی تھی اور اب موبائل سروس مہیا کرنے والے پرائیویٹ ادارے نے کہا ہے کہ ان کے چار اور ٹاورز کو نشانہ بنایا گیا ہے، متعدد موبائل سروس انجنئیرز پر بھی سڑکوں پر نفرت آمیز جملے کسے گئے۔

برطانوی کلچر سیکریٹری کا کہنا ہے کہ بے بنیاد تھیوری پر یقین کر کہ ایسے واقعات کا حصہ بننے والوں کے خلاف قانونی کارروائی کی جائے گی اور اس روئیے کو برداشت نہیں کیا جائے گا۔

گزشتہ روز وزیراعظم ہاؤس میں پریس کانفرنس کے دوران این ایچ ایس کے ڈائریکٹر پروفیسر اسٹیو پوویس نے فائیو جی کے ذریعے وائرس پھیلنے کی تھیوری کو جعلی، بے بنیاد اور گھٹیا قرار دیا۔

انہوں نے کہا کہ کرونا کی وجہ سے پیدا شدہ ہنگامی صورتحال میں فائیو جی اور موبائل فون ہمارے لئے انتہائی کارآمد ٹیکنالوجی ہے، یقین نہیں آ رہا لوگ ایسی جعلی افواہوں پر یقین کر کہ انفراسٹرکچر تباہ کر رہے ہیں۔

Comments

یہ بھی پڑھیں