The news is by your side.

Advertisement

کرونا وائرس کے عالمی حصص بازاروں پر بھی برے اثرات مرتب

اسلام آباد : کرونا وائرس نے صرف انسانوں کی جانوں کو ہی نہیں بلکہ دنیا بھر کی معیشت کو بھی شدید متاثر کیا ہے، عالمی اسٹاک مارکیٹوں میں مندی کا رجحان ہے جس کے باعث کھربوں ڈالر کا سرمایہ ڈوب گیا۔

تفصیلات کے مطابق کرونا وائرس کے عالمی حصص بازاروں پر بھی برے اثرات مرتب ہوئے ہیں، صرف 9دن میں عالمی حصص بازاروں میں90کھرب ڈالر کا سرمایہ ڈوب گیا۔

کاروباری ہفتے کے اختتام پر عالمی حصص بازاروں میں مندی کارجحان برقرار رہا، ذرائع ابلاغ کے مطابق ایک ماہ میں ڈاؤ جونز انڈیکس میں3305پوائنٹس کی کمی اور نیسڈیک میں940پوائنٹس کی کمی واقع ہوئی۔

اس کے علاوہ ایک ماہ میں جاپانی اسٹاک مارکیٹ میں3155پوائنٹس کی کمی ریکارڈ کی گئی اور ہانگ کانگ انڈیکس میں1088پوائنٹس کمی سامنے آئی۔ ذرائع کے مطابق پاکستان میں کرونا وائرس کے واخح اثرات نہ ہونے باوجود گزشتہ ایک ماہ میں پاکستان اسٹاک مارکیٹ میں2504پوائنٹس کمی واقع ہوئی۔

واضح رہے کہ کرونا وائرس سے ہونے والی ہلاکتوں کا سلسلہ تاحال رک نہ سکا، نہ ہی اسے پھیلنے سے روکا جاسکا ہے، دنیا بھر میں اس وائرس سے 95 ہزار 488 سے زائد افراد متاثر ہو چکے ہیں۔

کرونا وائرس سے امریکی صدارتی انتخابات متاثر ہونے کا خدشہ

دوسری طرف صحت یابی کا عمل بھی جاری ہے اور اب تک 53689 سے زائد افراد مہلک وائرس سے صحت یاب ہو چکے ہیں، عالمی سطح پر صحت یابی کے عمل پر خصوصی توجہ دی جا رہی ہے۔

fb-share-icon0
Tweet 20

Comments

comments

یہ بھی پڑھیں