The news is by your side.

Advertisement

کرونا کے وار جاری، مزید 56 مریض جاں‌بحق

اسلام آباد : نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران ملک میں کرونا وائرس کے ایک ہزار 165 نئے کیسز سامنے آئے، ملک میں کرونا وائرس کے فعال کیسز میں کمی آرہی ہے۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے ایک ہزار 165 نئے کیسز سامنے آئے، ملک میں مجموعی کرونا کیسز کی تعداد 5 لاکھ 65 ہزار سے زائد ہوچکی ہے۔

ملک میں کرونا وائرس کے فعال کیسز کی تعداد 25 ہزار 8 ہوگئی، 24 گھنٹے میں کرونا وائرس کے ٹیسٹ مثبت آنے کی شرح 3.2 فیصد رہی۔

این سی او سی کے مطابق گزشتہ 24 گھنٹوں کے دوران کرونا وائرس کے مزید 56 مریض جاں بحق ہوگئے جس کے بعد ملک میں کرونا وائرس سے اموات کی تعداد 12 ہزار 436 ہوگئی۔

نیشنل کمانڈ سینٹر کا کہنا ہے کہ کرونا وائرس سے صحت یاب مریضوں کی مجموعی تعداد 5 لاکھ 27 ہزار سے زائد ہوگئی ہے۔

ملک بھر کے 735 اسپتالوں میں کرونا وائرس کے ڈیڑھ ہزار سے زائد کیسز تشویشناک حالت میں ہیں۔

Comments

یہ بھی پڑھیں