کوئٹہ : بلوچستان میں کورونا کے فعال کیسز صرف ایک فیصد رہ گئے، صوبے میں فعال کیسز تعداد 217 ہے جبکہ کورونا کیسز کی مجموعی تعداد 15480 اور مصدقہ اموات کی تعداد 146 ہوگئی ہے۔
تفصیلات کے مطابق بلوچستان میں کورونا کے فعال کیسز صرف ایک فیصد رہ گئے ، محکمہ صحت کی جانب سے رپورٹ میں کہا گیا ہے کہ بلوچستان میں 24 گھنٹے میں کورونا کے 29 نئے کیسز سامنے آئے جبکہ گزشتہ 2 روز میں41 کیسز رپورٹ ہوئے۔
ترجمان کا کہنا ہے کہ کوئٹہ سمیت بلوچستان کے تعلیمی اداروں سے587 کیسز رپورٹ ہوئے ، جس کے بعد صوبے میں کوروناکیسز کی مجموعی تعداد 15480ہوگئی جبکہ کورونا وائرس کے فعال کیسز تعداد 217 ہے۔
محکمہ صحت کی رپورٹ میں کہا گیا بلوچستان میں کوروناسے مصدقہ اموات کی تعداد 146 ہے اور کورونا میں مبتلا15117مریض صحتیاب ہوچکے ہیں۔
خیال رہے ملک بھرمیں کورونا وائرس سے متاثرہ مزید آٹھ مریض انتقال کرگئے، جس کے بعد جاں بحق افراد کی تعداد چھ ہزارپانچ سوباون ہوگئی جبکہ 24 گھنٹے میں چھ سواکسٹھ افراد میں کورونا کی تصدیق ہوئی اور ملک میں کورونا کے فعال کیسزکی تعداد آٹھ ہزارتین سو پینتیس ہوگئی۔
