لندن:کورونا وائرس کی تیزی سے پھیلنے والی نئی قسم سامنے آنے پر اٹلی، بیلجیئم اور ہالینڈ نے برطانیہ سے آمدورفت پر پابندی عائد کر دی۔
غیرملکی خبررساں ادارے کی رپورٹ کے مطابق کورونا کی نئی قسم ایک ایسے وقت میں سامنے آئی کہ جب برطانیہ میں وبا کے خلاف ویکسی نیشن کا آغاز کیا جاچکا ہے، ماہرین کو خدشہ ہے یہ نئی دریافت بھیانک ہوسکتی ہے، جو برطانیہ کے مختلف علاقوں میں تیزی سے پھیل بھی رہی ہے۔
رپورٹ کے مطابق جنوبی برطانیہ میں اس نئی بیماری کے 1 ہزار کیسز رپورٹ بھی ہوچکے ہیں۔ طبی ماہرین نے امکان ظاہر کیا ہے کہ یہ نئی بیماری کوروناوائرس میں میوٹیشن عمل کے نتیجے میں پیدا ہوئی ہے، لیکن اس حوالے سے مزید تحقیق کی ضرورت ہے۔ سائنس دان ابھی نئی قسم کی اصل جڑ تک نہیں پہنچ سکیں۔
کورونا کی دریافت ہونے والی نئی قسم کتنی خطرناک ہوسکتی ہے؟ ماہرین نے خبردار کردیا
برمنگھم یونیورسٹی کے پروفیسر ایلن مکنیلی کا کہنا ہے کہ سارس کووڈ 2 سے پیدا ہونا والا وائرس کووڈ 19 میں ہمیشہ میوٹیشن کا عمل جاری رہتا ہے، ممکنہ طور پر نئی قسم کی وجہ بھی یہی ہے۔
کورونا وائرس کی تیزی سے پھیلنے والی نئی قسم سامنے آنے پر اٹلی، بیلجیئم اور ہالینڈ نے برطانیہ سےآمدورفت پر پابندی عائدکر دی ہے جب کہ جرمنی اور فرانس کا بھی برطانیہ سے آمدورفت پرپابندی لگانےکا امکان ہے۔
مذکورہ ممالک نے ٹرین اور جہاز سے برطانیہ اور یورپ کے درمیان آمدورفت پر 24گھنٹےکیلئے پابندی کی ہے۔ آسٹریا بھی کورونا کی نئی قسم کےباعث برطانیہ آمدورفت پر پابندی کا اعلان کرچکاہے۔
برطانوی میڈیا کا کہنا ہے کہ پابندی کا اطلاق آج رات شروع ہو گا اور یورپی حکام کا کہنا ہے کہ پابندی میں توسیع بھی کی جاسکےگی۔
