The news is by your side.

Advertisement

بلوچستان میں کرونا وائرس کیسز میں کمی کا رحجان برقرار

کوئٹہ: بلوچستان میں کرونا وائرس کیسز میں کمی کا رحجان برقرار ہے، ایک روز کے دوران صوبے میں کرونا وائرس کے 24 کیسز رپورٹ کیے گئے۔

تفصیلات کے مطابق گزشتہ 24 گھنٹوں کے دوران صوبہ بلوچستان میں کرونا وائرس کے 24 کیسز رپورٹ کیے گئے جس کے بعد مثبت کیسز کی شرح 4.91 فیصد ہوگئی۔

اب تک بلوچستان میں کووڈ 19 کے مجموعی کیسز کی تعداد 35 ہزار 427 ہوگئی۔

صوبے میں کووڈ 19 سے جاں بحق افراد کی تعداد 377 ہوچکی ہے جبکہ صحت یاب ہونے والے افراد کی تعداد 34 ہزار 974 ہے۔

یاد رہے کہ بلوچستان سمیت ملک بھر میں کرونا وائرس کے 723 کیسز رپورٹ ہونے کے بعد ملک میں مجموعی کیسز کی تعداد 15 لاکھ 17 ہزار 512 ہوگئی۔

اب تک ملک میں کرونا وائرس سے 30 ہزار 298 مریض جاں بحق ہوچکے ہیں۔ ایک دن میں کرونا وائرس کے مثبت کیسز کی شرح 1.82 فیصد ہوچکی ہے۔

Comments

یہ بھی پڑھیں