The news is by your side.

Advertisement

کراچی میں کرونا وائرس کیسز میں واضح کمی

کراچی: صوبہ سندھ کے دارالحکومت کراچی میں کرونا وائرس کیسز میں واضح کمی دیکھی جارہی ہے، گزشتہ روز شہر میں 231 کرونا کیسز رپورٹ کیے گئے۔

تفصیلات کے مطابق کراچی میں کرونا وائرس کیسز میں واضح کمی دیکھی جارہی ہے، کراچی میں کرونا کیسز کی شرح 4.55 فیصد رپورٹ کی گئی ہے۔

محکمہ صحت سندھ کا کہنا ہے کہ گزشتہ 24 گھنٹے کے دوران سندھ میں 690 کرونا کیسز رپورٹ کیے گئے جن میں سے 231 کیسز کا تعلق کراچی سے ہے۔

گزشتہ روز شہر میں کرونا وائرس کے مزید 7 مریض جاں بحق ہوگئے۔

محکمہ صحت سندھ کے مطابق سندھ بھر میں 706 اومیکرون کیسز کی تصدیق کی جا چکی ہے، 241 مریض مختلف اسپتالوں میں زیر علاج ہیں، جن میں سے 224 مریضوں کی حالت تشویش ناک جبکہ 17 وینٹی لیٹرز پر ہیں۔

یاد رہے کہ سندھ سمیت ملک بھر میں گزشتہ 24 گھنٹوں کے دوران 1 ہزار 983 نئے کرونا کیسز رپورٹ ہوئے جبکہ اس عرصے میں مزید 26 اموات ہوئیں۔

Comments

یہ بھی پڑھیں