اسلام آباد: وفاقی دارالحکومت اسلام آباد میں کرونا وائرس کیسز ایک بار پھر بڑھ گئے، 1 سے 10 سال کی عمر کے بھی 9 ہزار 454 کیسز سامنے آچکے ہیں۔
تفصیلات کے مطابق وفاقی دارالحکومت اسلام آباد میں کرونا وائرس کیسز میں ایک بار پھر اضافہ ہونے لگا۔ ڈی ایچ او اسلام آباد کا کہنا ہے کہ 24 گھنٹے میں 125 کرونا کیسز رپورٹ ہوئے۔
انہوں نے کہا کہ شہر میں مثبت کرونا کیسز کی شرح 6.2 فیصد ہے، اسلام آباد کے اسپتالوں میں کرونا وائرس کے 149 مریض زیر علاج ہیں۔
ڈی ایچ او کا کہنا تھا کہ اسلام آباد میں کرونا وائرس کے فعال کیسز کی تعداد 16 سو 61 ہے، 1 سے 10 سال کی عمر کے 9 ہزار 454 کیسز سامنے آچکے ہیں۔
انہوں نے بتایا کہ گزشتہ روز 23 بچوں میں کرونا وائرس کی تصدیق ہوئی ہے۔
Comments
- Advertisement -
