تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ملک میں کرونا وائرس کے مجموعی کیسز کی تعداد 4 لاکھ سے تجاوز کر گئی

اسلام آباد: نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران ملک میں کرونا وائرس کے 3 ہزار سے زائد نئے کیسز سامنے آئے، ملک میں مجموعی کیسز کی تعداد 4 لاکھ سے تجاوز کر چکی ہے۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 3 ہزار 499 نئے کیسز سامنے آئے، ملک میں مجموعی کرونا کیسز کی تعداد 4 لاکھ 6 ہزار 810 ہوچکی ہے۔

ملک میں کرونا وائرس کے فعال کیسز کی تعداد 51 ہزار 654 ہوگئی۔

این سی او سی کے مطابق گزشتہ 24 گھنٹوں کے دوران کرونا وائرس کے مزید 39 مریض جاں بحق ہوگئے جس کے بعد ملک میں کرونا وائرس سے اموات کی تعداد 8 ہزار 205 ہوگئی۔

نیشنل کمانڈ سینٹر کا کہنا ہے کہ کرونا وائرس سے صحت یاب مریضوں کی مجموعی تعداد 3 لاکھ 46 ہزار 951 ہوگئی ہے، صرف گزشتہ 24 گھنٹوں میں 1 ہزار 586 مریض صحت یاب ہوئے۔

این سی او سی کے مطابق گزشتہ 24 گھنٹوں کے دوران کرونا وائرس کے 42 ہزار 904 ٹیسٹ کیے گئے، 24 گھنٹے میں کرونا وائرس کے ٹیسٹ مثبت آنے کی شرح 8.1 فیصد ہوگئی۔

اب تک ملک میں کیے جانے والے مجموعی ٹیسٹوں کی تعداد 56 لاکھ 27 ہزار 539 ہوچکی ہے۔

ملک بھر کے 735 اسپتالوں میں کرونا وائرس کے 2 ہزار 469 کیسز تشویشناک حالت میں ہیں۔

ملک میں کرونا وائرس سے صحت یابی کی شرح 98 فیصد جبکہ اموات کی شرح صرف 2 فیصد ہے، گزشتہ 24 گھنٹوں میں کرونا وائرس کیسز کے مثبت آنے کی شرح 7.18 فیصد ہوگئی۔

Comments

- Advertisement -