The news is by your side.

Advertisement

کرونا وائرس: نئے کیسز کی یومیہ تعداد ایک بار پھر ہزار سے تجاوز کر گئی

اسلام آباد: پاکستان میں کرونا وائرس کے نئے کیسز کی یومیہ تعداد ایک بار پھر 1 ہزار سے تجاوز کر گئی، گزشتہ روز مزید 29 اموات ہوئیں۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 29 مریض انتقال کر گئے جس کے بعد کرونا وائرس سے مجموعی اموات کی تعداد 22 ہزار 408 ہوگئی۔

این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 1 ہزار 228 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 9 لاکھ 62 ہزار 313 ہوچکی ہے۔

ملک میں کرونا وائرس کے فعال کیسز کی تعداد 32 ہزار 621 ہے جبکہ صحت یاب مریضوں کی مجموعی تعداد 9 لاکھ 7 ہزار 284 ہوچکی ہے۔

این سی او سی کے مطابق گزشتہ 24 گھنٹوں کے دوران کرونا وائرس کے 47 ہزار 832 ٹیسٹ کیے گئے، اب تک ملک میں 1 کروڑ 47 لاکھ 33 ہزار 30 کووڈ 19 ٹیسٹ ہوچکے ہیں۔

این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 2.56 فیصد رہی، ملک بھر کے 631 اسپتالوں میں کرونا وائرس کے 18 سو 75 کیسز تشویشناک حالت میں ہیں۔

ویکسی نیشن کی صورتحال

ملک میں اب تک 1 کروڑ 37 لاکھ 36 ہزار 438 افراد کو ویکسین کی ایک ڈوز جبکہ 32 لاکھ 64 ہزار 313 افراد کو ویکسین کی دونوں ڈوزز لگائی جا چکی ہیں۔

Comments

یہ بھی پڑھیں